پر کیف د روسیې د توغندیزو او بې‌پلوټه الوتکو په بریدونو کې درې کسان وژل شوي دي

هغه له فاکس نیوز سره په مرکه کې د امریکا د ولسمشر د مرستیال جي ډي وېنس هغه وروستۍ څرګندونې رد کړې چې ویلي یې وو، د امریکا ولسمشر ډونالډ ټرمپ د اسراییل یوازینی متحد دی.

هغه وویل، اورشلیم لا هم د نړۍ په بېلابېلو برخو کې ګڼ ملګري لري، خو د واشنګټن او اسراییل ترمنځ اړیکې ځانګړی ارزښت لري.

د اسراییل لومړي وزیر زیاته کړه: «امریکا له اسراییل ستر متحد نه لري او اسراییل هم له امریکا ستر متحد نه لري.»

نتنیاهو د ایران د اټومي پروګرام په اړه وویل، هغه او د امریکا ولسمشر ډونالډ ټرمپ ګډ اهداف لري، خو ټینګار یې وکړ چې که واشنګټن له تهران سره اټومي هوکړې ته هم ونه رسېږي، تر هغه چې دی د اسراییل لومړی وزیر وي، اجازه به ورنه کړي چې ایران اټومي وسله ترلاسه کړي.

هغه د امریکا او اسراییل ترمنځ د ایران په تړاو د احتمالي اختلافاتو په اړه د یوې پوښتنې په ځواب کې وویل، دواړه هېوادونه غواړي ایران خپل د اټومي وسلو پروګرام پرېږدي، غني شوي اټومي مواد له منځه ولاړ شي او د یورانیمو د غني کولو تاسیسات یې ړنګ شي.

نتانیاهو زیاته کړه، د هغه په باور، ډونالډ ټرمپ فکر کوي چې پر ایران د اسراییل او امریکا له ګډو فشارونو وروسته، د خبرو اترو له لارې هم د دغو موخو د ترلاسه کولو لپاره کافي فشار او زمینه رامنځته کېدای شي.

هغه وویل، اسراییل د ټرمپ له دې لیدلوري درناوی کوي او هیله لري چې د مذاکراتو له لارې خپلو موخو ته ورسېږي.

د ترکیې کمونېست ګوند د یکشنبې په ورځ، د چنګاښ په ۱۴مه، په خپره کړې اعلامیه کې ویلي چې لاریون د انقرې په «کېزیل‌آی» میدان کې ترسره شو او د ګوند له سلو ډېر غړي، د یو شمېر مسوولانو په ګډون، د امنیتي ځواکونو له خوا ونیول شول.

د راپورونو له مخې، لاریونوالو د «قاتل ناټو، زموږ له هېواده ووځه» او «ناټو ته ځای نشته» په څېر شعارونه ورکول او د ناټو د سیاستونو پر ضد یې اعتراض کاوه.

د ترکیې پولیسو د لاریون د خورولو لپاره له اوښکې بهوونکي ګاز څخه هم کار واخیست.

بلخوا، په استانبول کې هم سلګونه کسانو د تقسیم له میدان څخه تر ډولمه‌باغچې سیمې پورې لاریون وکړ. همداراز د ښار په کادیکوی سیمه کې د کیڼ اړخو ډلو له لوري دوه نورې اعتراضي غونډې هم ترسره شوې، چې د پراخ امنیتي حضور سره سره له نښتې پرته پای ته ورسېدې.

د ترکیې د کمونېست ګوند عمومي منشي کمال اوکویان ویلي، معترضان د ناټو پر ضد د اعتراض لپاره د هېواد په بېلابېلو سیمو کې راټول شوي او اجازه به ورنه کړي چې انقره د دغه پوځي ایتلاف پر وړاندې چوپ پاتې شي.

ټاکل شوې چې ترکیه د روانې اوونۍ د سې‌شنبې او چهارشنبې په ورځو کې د ناټو د ۳۲ غړو هېوادونو د مشرانو او د دې ایتلاف د شریکو هېوادونو د چارواکو کوربه وي.

د راپور له مخې دغې ادارې د یکشنبې په ورځ، د چنګاښ په ۱۴مه، په یوې خپرې کړې اعلامیه کې ویلي چې دغه عملیات د سرخان‌دریا ولایت د امو سیند پولې ته څېرمه د سرحدي ځواکونو او پولیسو په ګډه همغږۍ ترسره شوي دي.

د خبرپاڼې له مخې، امنیتي ځواکونو یوه ډرون څرخکه، چې دوه کیلو او ۳۲ ګرامه تریاک ورسره تړل شوي وو، تر پولې د اوښتو مخکې کشف او ضبط کړه.

د ازبکستان د دولتي امنیت ادارې ویلي چې نشه‌يي توکي د ډرون څرخکې له بدنې سره تړل شوي وو او ټاکل شوې وه په ناقانونه توګه د ازبکستان خاورې ته ولېږدول شي.

ازبک چارواکو ویلي، د دوی په باور د دې هڅې تر شا ناپېژانده کسان، چې ښايي د افغانستان وګړي وي، لاس لري، خو د هغوی د هویت یا د احتمالي نیولو په اړه یې نور جزییات نه دي خپاره کړي.

ازبکستان په وروستیو کلونو کې څو ځله خبرداری ورکړی چې له افغانستان سره پر ګډه پوله د نشه‌يي توکو د قاچاق هڅې زیاتې شوې دي او ویلي یې دي چې د خپلو جنوبي پولو د امنیت او څارنې تدابیر یې نور هم پیاوړي کړي دي.

هغه زیاته کړه: «موږ د انساني او الهي معیارونو او همداراز نړیوالو قوانینو پر بنسټ تاسو محاکمه کوو. جنایتکار باید محاکمه او مجازات شي او د خپلو جنایتونو حساب ورکړي».

د ایران د قضاییه قوې مشر همدا راز وویل، چې اسلامي جمهوري به «د امریکا او د علي خامنه‌يي د وژلو د عاملانو ګرېوان پرېنږدي».

د ایران پخوانی مشر علي خامنه‌يي شاوخوا ۴ میاشتې مخکې پر ایران د امریکا او اسراییل د بریدونو په ترڅ کې ووژل شو او تهران د علي خامنه‌یي او د هغه د کورنۍ د نورو وژل شويو غړو د رسمي مخه ښې مراسم د تېرې جمعې په سهار (د چنګاښ ۱۲مه) د تهران د امام خميني په مصلی کې د يو شمېر بهرنيو شخصيتونو په ګډون پیل کړل.

د ایران چارواکو د علي خامنه‌یي د جنازې او خاورو ته د سپارلو لپاره د يوې اونۍ مراسم پلان کړي دي.

ټاکل شوې، چې د هغه مړی له تهران وروسته قُم، نجف او کربلا ته ولېږدول شي او په پای کې د راتلونکې پنجشنبې په ورځ د مشهد ښار د امام رضا د زيارت ترڅنګ خاورو ته وسپارل شي.

رویټرز خبري اژانس راپور ورکړی، چې د ۲۰۲۶ فوټبال نړیوال جام د کوربه هېواد مکسیکو اوسېدونکي، سره له دې چې د خپلې ملي لوبډلې بریاوې لمانځي، لا هم د هېواد له اقتصادي او امنیتي ستونزو سره لاس او ګرېوان دي.

د راپور له مخې، د مکسیکو ښار په مرکزي «پاسیو دې ریفورما» واټ کې د نړیوال جام د سیالیو د نندارې لپاره لویې پردې لګول شوې، خو د دغو پردو ترڅنګ د څه باندې ۱۳۵ زره ورکو شویو کسانو انځورونه او اعلانونه هم لیدل کېږي. دا هغه کسان دي چې د ۲۰۰۶ کال راهیسې، د مخدره توکو له کارټلونو سره د حکومت د جګړې په ترڅ کې ورک شوي دي.

راپور زیاتوي، چې په وروستیو اوونیو کې د مکسیکو ښار ځینې مهم سړکونه یوازې د فوټبال د بریاوو د لمانځلو لپاره نه، بلکې د حکومت ضد اعتراضونو له امله هم تړل شوي دي.

د خبریال او پوډکاسټ جوړونکي کارلوس مېنډوزا په وینا، «تر هغه چې مکسیکو لوبې ګټي، خلک د ملي خوښۍ تر اغېز لاندې وي او د هېواد د ناخوالو په اړه لږ فکر کوي، خو کله چې نړیوال جام پای ته ورسېږي، هماغه ستونزې به بیا د خلکو مخې ته ولاړې وي.»

د راپور له مخې، که څه هم د جون په لومړیو کې د انفلاسیون کچه یو څه راټیټه شوې، خو لا هم د مکسیکو د مرکزي بانک له ټاکلي هدف څخه لوړه ده. سربېره پر دې، د نړیوال جام د سیالیو د ټکټونو لوړو بیو ګڼ شمېر مینه‌وال له لوبغالو څخه محروم کړي دي.

مېنډوزا ویلي، «پخوا ستونزه د ټکټ موندل وو، خو اوس اصلي ستونزه د ټکټ بیه ده، ځکه ډېری مینه‌وال یې د اخیستو وس نه لري.»

رویټرز لیکي، د مکسیکو د ملي لوبډلې له خوا د اکوادور پر وړاندې د ۴۰ کلونو وروسته د ناک‌اوټ پړاو لومړۍ بریا هم له یوې خونړۍ پېښې سره مل وه؛ ځکه د جشنونو پر مهال څلور کسان وژل شوي وو.

په همدې حال کې، د ښوونکو د اتحادیې (CNTE) غړو د مکسیکو ښار په مرکزي سیمو کې پرلتونه کړي او له حکومته غواړي چې د تقاعد او ټولنیز خوندیتوب د ۲۰۰۷ کال قانون لغوه او د دولتي کارکوونکو معاشونه لوړ کړي.

ځايي سیاستوال رودریګو کوردېرا په ټولنیزو رسنیو کې لیکلي: «انسان کولای شي د فوټبال له ۹۰ دقیقو خوند واخلي، خو په عین وخت کې د خپل هېواد پر وضعیت اندېښمن، د فیفا پر کړنو غوسه او د حکومت له سیاستونو ناخوښ هم وي.»

سره له دې، د رویټرز په وینا، د یوې تازه نظرپوښتنې له مخې، د مکسیکو د ولسمشرې کلاوډیا شېنبام د محبوبیت کچه ۶۹ سلنې ته رسېدلې او حکومت وایي، د ورکو شویو کسانو موندل یې له مهمو لومړیتوبونو څخه دي.

د مکسیکو اوسېدونکې الیخاندرا ګونزالېز رویټرز ته ویلي: «نړیوال جام زموږ ستونزې نه حلوي، یوازې د لنډ وخت لپاره یې د خلکو له لومړیتوبونو څخه شاته کوي او حکومت هم له همدې فضا څخه د مهمو پرېکړو د ځنډولو لپاره ګټه اخلي.»

هغې زیاته کړې، «هیله لرم چې دا خوښۍ د هېواد لپاره مثبتې پایلې ولري، خو تر څنګ یې باید د حکومت، صنعتونو او زموږ د ټولنې نیمګړتیاوو ته هم په انتقادي نظر وګورو.»