د انګلستان د فوټبال ملي لوبډلې د ۲۰۲۶کال نړۍوال جام د یو اتم پړاو په سیالۍ کې مکسیکو ته د ۳-۲ په توپیر ماتې ورکړه او بل پړاو ته یې لار ومونده. په دغه لوبه کې د انګلستان مخکښ لوبغاړی جوډ بلینګهم و، چې دوه ګولونه یې ووهل او د خپلې لوبډلې په بریا کې یې مهم رول ولوباوه.
سره له دې چې د انګلستان د فوټبال ملي لوبډلې یو لوبغاړي د سیالۍ په دویمه پاڼۍ کې سور کارډ واخیست او د لوبې له وتلو سره یې لوبډله لس کسیزه شوه؛ خو د ۲۰۲۶کال نړۍوال جام د کوربه هېوادونو له ډلې مکسیکو ته په یوه زړه پورې لوبه کې د ۳-۲ په توپیر ماتې ورکړه او د سیالیو بل پړاو ته یې لار ومونده.
د انګلستان مخکښ لوبغاړي جوډ بلینګهم دوه او بریدګر لوبغاړي هري کین یو ګول وواهه. د مکسیکو لپاره خولیان کینیونس او راول خیمنېس دواړو د پنالټۍ له لارې ګولونه ووهل. دغه لوبه د سختو ورښتونو او تندر پرېوتو له امله تر یو ساعت ځنډ وروسته پیل شوه؛ خو په پای کې انګلستان بریا خپله کړه.
انګلستان په پرلهپسې درېیم نړۍوال جام کې کوارټر فاینل ته ځان رسوي. دوی به په بل پړاو کې له ناروې لوبډلې سره مخ کېږي. ناروې برازیل ته په ماتې ورکولو سره کوارټر فاینل ته لار وموندله.
