په اروپا کې مېشت د افغانستان د تکواندو ملي لوبډلې پخوانی غړی فرزاد منصوري په فرانسه کې د Solidarity Center Open 2026 ترنامه لاندې د G1 په نړۍوالو سیالیو کې ښه وځلېده او د دغه سیالیو د سپینو زرو مډال یې وګاټه.
په لومړي پړاو کې تر دمې وروسته منصوري د فرانسې سیالانو او بیا له بورکینافاسو نه د افریقا اتل فیصل ساواډوګو او د توکیو د ۲۰۲۰کال المپیک اتل ته په ماتې ورکولو سره پایلوبې ته لار ومونده.
په پایلوبه کې منصوري له سختو ټپونو سره، سره تر پایه د جګړې په روحیه سیالي وکړه؛ خو په پای کې یې ماتې وخوړه او دویم مقام یې ترلاسه کړ.
د G1 سیالۍ د جولای په څلورمه او پنځمه نېټه د نړۍ د بېلابېلو هېوادونو د تکواندو لوبغاړو په ګډون ترسره شوې او منصوري یو ځل بیا خپله وړتیا او لوړ تخنیکي فعالیت وښوده.
