په نړیوال جام کې د پرتګال ماتې؛ ۴۱ کلن رونالډو د فوټبال نړیوال جام سره مخه ښه وکړه
هسپانیې د ۲۰۲۶کال فوټبال نړیوال جام د ۱۶ غوره پړاو په سیالۍ کې پرتګال ته په یوه ګول ماتې ورکړه او کوارټر فاینل ته یې لار پیدا کړه. د پرتګال له ماتې سره د دغه هېواد د ۴۱ کلن ستوري کریستیانو رونالډو د نړیوال جام وروستۍ هڅه هم پای ته ورسېده.
د هسپانیې او پرتګال ترمنځ د ۲۰۲۶ فوټبال نړیوال جام د ۱۶ غوره پړاو سیالي د هسپانیې په بریا پای ته ورسېده.
ددغه سیالۍ یوازینی ګول میکل میرینو وواهه او په دې بریا سره یې د اتلولۍ لپاره خپلې هڅې روانې وساتلې.
لوبه د دواړو لوبډلو ترمنځ له سختې سیالۍ سره مل وه، پرتګال هڅه وکړه چې د مساوي ګول لپاره بریدونه زیات کړي، خو د هسپانیې دفاع د لوبې تر پایه د هغوی مخه ونیوله.
د دې ماتې له امله پرتګال له نړیوال جام څخه بهر شو، او د کریستیانو رونالډو د نړیوال جام وروستۍ سیالي هم پای ته ورسېده. رونالډو مخکې ویلي وو چې د ۲۰۲۶ نړیوال جام به د هغه وروستی نړیوال جام وي.
هسپانیه به د کوارټر فاینل په پړاو کې د امریکا او بلجیم ترمنځ د سیالۍ له ګټونکي سره مخ شي.
