په بدخشان کې د طالبانو یو غړی له خلکو سره پر چلند د نیوکې له امله نیول شوی

محمد اشرف غني د خپلو ټولنیزو رسنیو له لارې د پیغام په خپرولو سره لیکلي، چې ډېری افغان ځوانانو شاپور ځدراڼ ته د یوې ښې بېلګې په سترګه کتل او اوس د هغه له سیوري څخه بې برخې شول.

د هېواد مخکیني ولسمشر روښانه کړې چې شاپور ځدراڼ په خورا سختو شرایطو او ورځو کې په خپلو غوره لوبو سره افغان ولس ته لوی ویاړونه راوړل.

د غني په وینا، دغه نامتو لوبغاړي د څه باندې یوې لسیزې لپاره په خپلو بریاوو سره د افغانانو پر شونډو خوښۍ راوستلې.

شاپور ځدراڼ د افغانستان د کرکټ یو له پخوانیو او نامتو لوبغاړو څخه و چې له څو میاشتو راهیسې د هډوکو د مغز او دفاعي سیسټم اړوند ناروغۍ له امله د هند په پلازمېنه نوي ډیلي کې تر درملنې لاندې و او بالاخره یې په روغتون کې ساه ورکړه.

د طالبانو د کانونو او پټرولیم وزارت د معلوماتو له مخې، په دې لیدنه کې د ترکمنستان سفیر خواجه عوضوف د ټاپي ګازو نللیکې پروژې د روانو چارو او وروستیو پرمختګونو په اړه معلومات وړاندې کړي او ویلي یې دي چې د پروژې د پلي کېدو چارې په ښه توګه روانې دي.

د نوموړي په وینا، تر اوسه د افغانستان په خاوره کې ۱۰۲ کیلومتره نللیکه غځول شوې ده او د پروژې پاتې چارې به هم د ټاکل شوي مهال وېش له مخې بشپړې شي.

هغه زیاته کړې چې د ټاپي پروژې په اړه به په ټولو شویو ژمنو عمل وشي.

د وزارت په وینا د طالبانو د کانونو او پټرولیم وزیر د ترکمنستان سفیر د هڅو ستاینې ترڅنګ د ټاپي ګازو نللیکې پروژې د پلي کېدو په برخه کې د افغانستان له لوري د هر ډول قانوني همکارۍ ډاډ ورکړی.

د طالبانو دفاع وزارت ویلي، چې مولوي یعقوب مجاهد د ۲۱۷ قول اردو اړوند لواګانو له مسوولانو سره لیدلي.

د یاد وزارت په وینا، په دې لیدنه کې د طالبانو دفاع وزیر د قول اردو د امنیتي، اداري او نظامي چارو د وضعیت ارزونه کړې، د مسوولانو راپورونه یې اورېدلي او د چارو د لا ښه تنظیم، مسلکي همغږۍ او د ورسپارل شویو دندو د ښېې ترسره کېدا په موخه یې سپارښتنې کړې دي.

مولوي یعقوب مجاهد د کندز ولایت له یو شمېر معیوبو طالبانو سره هم لیدلي او د هغوی ستونزې او غوښتنې یې اورېدلې دی او له هغوی سره یې نغدي مرستې هم کړې دي.

د طالبانو دفاع وزیر په داسې وخت کې د هېواد شمال ته په سفر تللی چې تر دې وړاندې باوري سرچینو افغانستان انټرنشنل ته ویلي، چې په بدخشان کې د طالبانو ترمنځ اختلافات لا هم نه دي حل شوي او د طالبانو ځواکونه په نسي ولسوالۍ کې ځای پرځای شوي او چورلکې یې د جمعه فاتح پر مرکز الوتنې کوي.

د بدخشان د حساس وضعیت له امله طالبانو تر اوسه په احتیاط عمل کړی او بدخشان ته یې د ځانګړو ځواکونو او تجربه‌لرونکو قطعاتو لېږل پیل کړي دي.

د طالبانو د کانونو او پټرولیم وزارت د معلوماتو له مخې، د هرات ولایت د غوریان ولسوالۍ د نمکسار سیمې د مالګې کان لومړی بلاک ۱۰،۲۴۱۱۴ کیلومتره مربع مساحت لري او د کان کیندنې او پروسس د چارو یوه خصوصي شرکت ته سپارل شوی دی.

د یادې ډلې د کانونو او پټرولیم وزیر هدایت الله بدري د تړون د لاسلیکولو پر مهال ویلي، د یاد کان تړون د هر ټن مالګې په بدل کې د ۱۵۰۰ افغانیو رویالټۍ په ټاکلو سره د ۱۵ کلونو لپاره لاسلیک شوی دی.

د وزارت په وینا، یاد شرکت به خپلې چارې د تړون له شرایطو، د کانونو له قانون او اړوندو کړنلارو سره سمې پر مخ وړي.

د وزارت د معلوماتو له مخې، شرکت به د رویالټۍ د ورکولو ترڅنګ د ټولنیزو خدمتونو په بېلابېلو برخو کې ۵ میلیونه افغانۍ هم ولګوي چې د دې پروژې په پلي کېدو سره به ګڼ شمېر کسانو ته په مستقیم او غیر مستقیم ډول د کار زمینه هم برابره شي.

کرزي پر خپل اېکس لیکلي، چې د شاپور ځدراڼ د مړینې خبر ډېر خواشینی کړی.

هغه د شاپور ځدراڼ له کورنۍ سره خواخوږي ښودلې ده.

د افغانستان د کرېکټ ملي لوبډلې چټک توپ اچوونکی شاپور ځدراڼ له څو میاشتو سختې ناروغۍ وروسته د سې شنبې په ورځ ومړ. نوموړی له اوږدې مودې راهیسې د هند د نوي ډیلي ښار په یوه روغتون کې د وینې او معافیتي حجرو د بې‌کچې فعالېدو له ناروغۍ کړېده. هغه د وینې او معافیتي حجرو د بې‌کچې فعالېدو ناروغي (HLH) په څلورم پړاو اخته و.

شاپور د جنورۍ پر ۱۸مه نېټه هند ته ولاړ او له همغه وخت راهیسې په روغتون کې بستر و.

د مارچ پر ۲۶مه نېټه د نوموړي د هډوکو د مغز ازموینې وښوده، چې د HLH ناروغۍ په څلورم پړاو کې دی. وړاندې هندي رسنیو راپورونو ورکړی و، چې شاپور ځدراڼ ډېرې کمې خبرې کولای شي، زیاتره وخت ویده وي او شاوخوا ۱۴ کیلو وزن یې له لاسه ورکړی دی.

ځدراڼ د ۲۰۲۵کال د جنورۍ په ۳۰مه له نړۍوال کرېکټ څخه استعفا اعلان کړې وه. نوموړي پر فېسبوک پاڼه له نړۍوال کرېکټ څخه د مخه ښې په پیغام کې لیکلي و: «نن هغه ورځ راورسېده، چې ما هیڅکله نه غوښته خو د هر لوبغاړي په ژوند کې دغه ورځ راځي. زه له ۲۲ کلونو خدمت، قربانۍ او مینې وروسته د افغانستان له نړۍوال کرېکټ څخه استعفا اعلانوم».

شاپور ځدراڼ د افغانستان لپاره خپله لومړنۍ پنځوس اوریزه لوبه د نیدرلنډ پر وړاندې د ۲۰۰۹کال د اګسټ پر ۳۰مه نېټه او وروستۍ لوبه د ایرلینډ پر وړاندې د ۲۰۱۹کال د مارچ په ۱۰مه نېټه کړې وه.

ځدراڼ خپل لومړنۍ شل اوریزه لوبه د ۲۰۱۰کال د فبرورۍ پر لومړۍ نېټه د اېرلنډ پر وړاندې او وروستۍ لوبه هم د همدغه هېواد پر وړاندې د ۲۰۲۰کال د مارچ پر ۸مه نېټه ترسره کړې.

شاپور د افغانستان لپاره په ۴۴ یو ورځنیو لوبو کې لوبېدلی او ۴۳ وېکټې یې اخیستې دي او په ۳۶ نړۍوالو شل اوریزو لوبو کې یې ۳۷ وېکټې اخیستې دي. د کرېکټ لوبغاړو او مینه‌والو د هغه مړینه لویه ضایع بللې، خواشینۍ یې ښودلې او د هغه له کورنۍ سره یې خواخوږي څرګنده کړې ده.