د بلوچستان په زیارت ولسوالۍ کې د وسلهوال برید له امله نهه پوليس سرتېري وژل شوي
د بلوچستان ایالت د زیارت ولسوالۍ د «کچ مانګي فېز درې» په سیمه کې د وسلهوالو په برید کې لږترلږه ۹ کسان وژل شوي. د یادې ولسوالۍ روغتون ډاکټر روزي خان افغانستان انټرنشنل پښتو ته ویلي، تراوسه دغه روغتون ته د نهو کسانو مړي ور وړل شوي چې د کچ تاڼې د پولیسو د مشر مړی هم پهکې شامل دی.
د زیارت ولسوالۍ مرستیال کمېشنر ویلي، د وژل شویو کسانو مړي د یادې ولسوالۍ مرکزي روغتون ته لېږدول شوي دي. پولیسو ویلي، برید د دوی پر ځواکونو شوی او له تېرې شپې راهیسې په دغه سیمه کې د وسلهوالو او امنیتي ځواکونو ترمنځ نښته روانه وه.
بلخوا د دغه برید پرضد د زیارت کراس په سیمه کې ځايي خلکو د احتجاج په توګه سړک تړلی او د پېښې د عاملانو پرضد یې د جدي اقدام غوښتنه کړې ده. ځایي چارواکو د برید په اړه نور جزییات نهدي ورکړي او د پېښې په اړه پلټنې لاهم روانې دي.
