په بادغیس کې په يوې ټرافیکي پېښه کې دوه کسان مړه شوي
د بادغیس لپاره د طالبانو د امنیه قومندانۍ مسوولین وايي، د دغه ولایت په مرکز کې د یوې ټرافیکي پېښې له امله دوه کسان مړه شوي دي. د دوی په وینا، دغه پېښه نن له غرمې مخکې د قلعهنو ښار د څلورمې امنیتي حوزې اړوند سیمه کې رامنځته شوې وه.
د بادغیس لپاره د طالبانو د امنیه قومندانۍ ویاند صدیقالله صدیقي د یکشنبې په ورځ (د زمري ۱۱مه) ویلي، دغه پېښه نن له غرمې مخکې شاوخوا ۱۱ بجې د قلعهنو ښار د څلورمې امنیتي حوزې اړوند په «شب باشک» سیمه کې هغه مهال رامنځته شوه، چې یو کرولا موټر له یوه موټرسایکل سره وجنګېد.
د نوموړي په وینا، مړه شوي کسان د موټرسایکل سپرلۍ وو او پېښه هم د بېاحتیاطۍ او ګړندي تګ له امله رامنځته شوې ده.
