طالبانو په هلمند کې د نږدې ۱۶ ټنه قاچاقي درملو د سوځولو خبر ورکړی
په هلمند کې د طالبانو د فرعي ګمرکاتو ریاست وایي، د تېرو دوو اونیو په لړ ګې یې له پاکستان څخه قاچاق کېدونکو ۱۵ زره او ۹۴۱ کیلوګرامه انساني، حیواني او کرنیز درمل نیولی دي. طالبانو ویلي، دغه قاچاقي درمل یې د لښکرګاه د ریګستان په سیمه کې سوځولي دي.
دطالبانو د هلمند ولایت د فرعي ګمرکاتو رییس حقمل ویلي، هېڅ چاته اجازه نه ورکوي، څو له بهرنیو هېوادونو څخه پر غیرقانوني لارو قاچي توکي هېواد ته وار د او یا هم له هېواده بهر صادر کړي.
