مجتبی خامنه يي د اسلامي جمهوریت نوی مذهبي مشر ټاکل شوی

سي‌اېن‌اېن د خپلو دوو باخبره سرچینو په حواله ویلي: «د قطر د اېف-۱۵ جنګي الوتکو ایراني جېټ الوتکې یوازې دوه قیقې مخکې له دې چې خپلې موخې ته ورسېږي، نسکورې کړې».

د سرچینې په وینا؛ د سپاه پاسداران اړوند د پخواني شوروي دورې (سوخو-۲۴) جېټ الوتکې لیدل شوې، چې «بمونه او لارښود مهمات» یې لېږدول او په قطر کې د العدید هوايي اډې په لور روانې وې.

العدید په منځني ختیځ کې د امریکا تر ټولو لویه پوځي اډه ده او شاوخوا ۱۰زره امریکایي سرتېري په‌کې مېشت دي. سرچینو ویلي، چې د الوتکو یوه بله احتمالي موخه په قطر کې د راس لافان طبیعي ګازو د پروسس کمپلېکس و.

مارک روټ په دغه مرکه کې ویلي: «ناټو په مستقیم ډول د ایران پر وړاندې په عملیاتو کې ښکېل نه‌دی؛ خو څرګنده ده چې متحدین په عمل کې د هغه څه ملاتړ کوي، چې ډونالډ ټرمپ یې ترسره کوي».

دغه دریځ د ایران د دولتي رسنیو له‌خوا په خپرې شوې اعلامیه کې راغلی. یاده اعلامیه له هغه وروسته خپره شوه، چې د ترکیې دفاع وزیر د چهارشنبې په ورځ (د کب ۱۳مه) اعلان وکړ چې له ایران نه بالستیک توغندی ورتوغول شوی.

نوموړي ویلي، دغه توغندی د سوریې او عراق له هوايي فضا څخه تېر شوی او د ترکیې د هوايي حریم په لور روان و چې په ختیځې مدیترانه کې د ناټو د هوايي او توغندیز دفاعي سیسټمونو له‌خوا شنډ شو.

په دې وروستیو کې د دواړو خواوو متقابل هوایي او توغندیزو بریدونو زیاتوالی موندلی.

یوه شنونکي وال سټریټ ژورنال ته ویلي، چې د ایران د هوايي دفاع سیسټم له خرابېدو سره د امریکا او اسراییل جنګي الوتکې او ډرونونه کولای شي په اسانۍ سره د لسګونه توغندیو پر پناه ځایونو ګزمې وکړي او د توغندیو لانچرونوپه نښه کړي.

هغې اشاره وکړه، چې انقره کولای شي د ناټو د تړون څلورمه ماده فعاله کړي؛ څو یاده موضوع په دغه سازمان کې وڅېړل شي. وانګ زیاته کړه: «دغه ډول اقدام ښایي په پای کې د ناټو د تړون پنځمې مادې ته ورسېږي؛ هغه ماده چې له مخې یې پر یوه غړي برید د ټولو غړو پر وړاندې برید ګڼل کېږي او د ناټو نور ۳۱ غړي هېوادونه اړ باسي، چې د ترکیې د دفاع لپاره اقدام وکړي».

وانګ ټینګار وکړ، هر څومره چې جګړه پراخه شي؛ هماغومره به د سولې ټینګښت ستونزمن شي. هغې د ټیکاو د ټینګښت لپاره ډیپلوماسۍ او خبرو اترو ته د بېرته ستنېدو غوښتنه وکړه.

په راپور کې راغلي، چې په تېرو درېیو ورځو کې په دغه ولایتونو کې د حکومتي ځواکونو د وژل کېدو تر ټولو لوړه شمېره ۴۰۰ ثبت شوې ده. د بشري حقونو دغه سازمان لیکلي، په یادو بریدونو کې نږدې ۴۰ ملکي وګړي هم وژل شوي چې ډېری یې په ارومیه، سنندج او کرمانشاه ښارونو کې ثبت شوي دي.