له خوست څخه سرچینې وايي، هغه کسان چې د ګیلهمن وزیر غیابي جنازه یې کړې، طالبانو ونیول
په خوست کې باوري سرچینو افغانستان انټرنشنل پښتو ته وويل، چې هغه کسان چې دوه ورځې وړاندې یې په خوست کې د ګیلهمن وزیر غیابي جنازه کړې وه طالبانو نیولي دي. دغو ځوانانو ډیورنډ کرښې ته څېرمه د ګیلهمن غیابي جنازه کړې وه او د هغه په یاد کې یې شمعې بلې کړې وې.
له خوست څخه باوري سرچینو افغانستان انټرنشنل پښتو ته نن یکشنبه د(چنګاښ ۲۴مه) ويلي چې طالبانو په دغه ولایت کې هغه خوستي ځوانان نیولي چې ډیورنډ کرښې ته څېرمه یې د ګیلهمن غیابي جنازه کړې وه او د هغه په وير یې شمعې بلې کړې وې.
ګیلهمن وزیر تېره اوونۍ په اسلام اباد کې د یوې ډلې له لوري په کوتکو او چړو ووهل شو او په روغتون کې یې د ژورو ټپونو له امله درې ورځې وروسته له وهلو ساه ورکړه.
په کابل او یو شمېر ولایتونو کې د هغه د غیابي جنازې د ادا کولو لپاره زرګونه کسان راغونډ شوي وو خو طالبانو یې مخه نیوله.
په ننګرهار کې هم یو شمېر کسان طالبانو له دې امله نیولي چې ولې یې د ګیلهمن وزیر غیابي جنازه کوله.
طالبانو په دې اړه څه نه دي ويلي.
