د پاکستان د جمعیت علمای اسلام ګوند مشر مولانا فضلالرحمن د خیبرپښتونخوا د والي څرګندونو ته په غبرګون کې وویل، هغه کسان چې ده ته افغانستان ته د تلو مشوره ورکوي، خپله باید برېتانیا ته ولاړ شي. مولانا تور پورې کړی، چې د والي فیصل کریم کنډي کورنۍ له پېړیو د انګریزانو غلامان دي.
په پښتونخوا کې امنیتي مسولینو خبر ورکړی، چې د دغه ایالت په مومندو ولسوالې کې ناپېژاندو وسلهوالو د ګوزڼ واکسین د کمپاین پر ساتونکې ډلې وسلهوال برید کړې چې له امله یې دوه ساتونکي پولیس وژل شوي او یو بل ټپي شوی دی.
په پاکستان کې د ملګرو ملتونو د کډوالو د عالي کمېشنرۍ استازو د پښتونخوا له مسوولینو سره په کتنه کې د افغان کډوالو د وضعیت په تړاو خبرې کړې دي. د یادې کمېشنرۍ استازو په پښتونخوا کې د کډوالو او کوربه هېواد تر منځ د ټولو په ګټه د یوې دایمي حللارې پر جوړېدو ټینګار کړی دی.
د جمعیت علمای اسلام ګوند مشر مولانا فضل الرحمان تور پورې کړی، چې په خیبر پښتونخوا کې د ځینو سیمو د بېړني حالت او د والي واکمنۍ په پلمه له افغانستان سره قانوني سوداګري محدوده شوې؛ خو د قاچاق لارې لاهم پرانیستې دي.
د پېښور د وچې مېوې ټولنه وایي، چې له افغانستان سره د لارو د بندېدو له امله د پېښور د وچې مېوې منډوي په بشپړ ډول تړل شوې او زرګونه کارګر یې بېروزګاره شوي دي.
د پښتونخوا د خیبر ولسوالۍ په باړه کې د ناامنۍ او د ښوونکو د کمښت له امله د نجونو اووه دولتي ښوونځي تړل شوي دي. د رسمي شمېرو له مخې، په باړه کې د نجونو له ۱۴۲ ښوونځیو څخه څلور د ښوونکو د نشتوالي او درې نور د امنیتي ګواښونو له امله بند دي.
په خیبر پښتونخوا کې د والي واکمنۍ پرمهال د ملاکنډ کمېشنر اقبال حسين سیمهییزو چارواکو ته لارښوونه کړې، چې په سیمه کې دې د دوديزو جرګو سپارښتنې نه منل کېږي. هغه خبرداری ورکړی، که هر چا د حکومت پرضد جرګه جوړه کړه؛ نو دوه مېلیونه کلدارې جریمه به پرې ولګول شي.
د خیبر پښتونخوا والي فیصل کریم کنډي ویلي، چې په پاکستان کې په ناقانونه توګه مېشت افغان کډوال باید افغانستان ته ستانه شي او د مرکزي او ایالتي حکومتونو تګلاره هم په دې اړه یوه ده. نوموړي ټینګار کړی، چې پاکستان ته د سفر لپاره افغان وګړي باید قانوني ویزه ترلاسه کړي.
په پاکستان کې د ګوزڼ د مخنیوي ملي بېړنيو عملیاتو مرکز وايي، چې په روان کال کې د ګوزڼ ۸مه پېښه د خیبر پښتونخوا په خیبر ولسوالۍ کې ثبت شوې ده. په یادې ناروغۍ یوه ۱۳ میاشتنۍ ماشومه اخته شوې ده.
د ټاکل شوي ضربالاجل تر پای ته رسېدو وروسته د خیبر پښتونخوا په نوښار ولسوالۍ کې پولیسو د افغان کډوالو پر وړاندې د عملیاتو پرمهال د شپږو کورنیو ۴۶ غړي نیولي، چې ښځې او ماشومان هم پهکې شامل دي.
د خیبر پښتونخوا د باجوړ ولسوالۍ په برنګ سیمه کې یو پکاپ موټر ژورې کندې ته لوېدلی، چې له امله یې دوه واړه ماشومان مړه او پنځه نور کسان ټپیان شوي دي.
د بلوچستان د کلا عبدالله ولسوالۍ د تنګ مسېزۍ په سیمه کې د وسلهوالو کسانو په ډزو کې یو پلار او زوی وژل شوي دي. د دغه ولسوالۍ مرستیال کمېشنر منور مګسي افغانستان انټرنیشنل - پښتو ته ویلي، پېښه هغه مهال رامنځته شوه چې وسلهوالو کسانو د یوه کس د تښتولو هڅه کوله.
خیبرپښتونخوا کې د اتحاد تنظیمات مدارس مشران وايي، چې پښتونخوا کې د دیني مدرسو د ثبت او راجستر په پلمه هغوی ته د تړلو ګواښونه کېږي. د دغو مدرسو استازي وايي، د ثبت د فورمو ډکولو لپاره یوازې ۲ ورځې وخت ورکړل شوی او خبرداری ورکړل شوی، چې د نه بشپړولو په صورت کې به یې مدرسې وتړل شي.
د خیبر پښتونخوا په مردان، لکي مروت او باجوړ ولسوالیو کې په درېیو جلا جلا پېښو کې ۷ کسان وژل شوي او د ښځو او ماشومانو په ګډون ۱۵ نور ټپیان شوي دي.
په پښتونخوا کې د جمعیت علمای اسلام ګوند مشر مولانا عطاالرحمان ویلي، دغه ایالت کې د والي واکمنۍ او بېړني حالت پلي کول د اساسي قانون او ولسواکۍ پر ضد ګام دی. هغه ادعا کړې، چې د ترهګرۍ په نوم د بېړني حالت له اعلان سره کانونه لوټل کېږي او پر عامه ملکیتونو هم عملیات روان دي.
په خیبرپښتونخوا کې د والي واکمنۍ او بېړني حالت له پلي کېدو وروسته د افغان کډوالو د اېستلو لپاره ټولې تیارۍ نیول شوې دي. پولیس وايي، د افغان کډوالو د نیولو بهیر سر له سبا څخه پیلېږي او بېلابېلو ولسوالیو کې د افغانانو د نیولو لپاره د پولیسو ۱۲۰ ډلې او ګڼ لنډمهالي کمپونه جوړ شوي دي.
د پاکستان لومړي وزیر شهباز شریف ادعا کړې، چې ګواکې د پخواني لومړي وزیر عمران خان په حکومت کې له افغانستانه وسله وال بېرته سوات ته راوستل شوي او هلته مېشت کړل شوي وو. د عمران خان اړوند ګوند او پلویانو لا له وړاندې داسې تورونه رد کړي دي.
د پاکستان د پوځ ویاند ويلي، چې په خیبر پښتونخوا کې یې د ترهګرۍ ضد جګړې بڼه له پوځي عملیاتو څخه استخباراتي عملیاتو ته اړولې ده. د سرچینې د معلوماتو له مخې، له دې سره به د دوی عملیات هدفمند او اغېزناک شي.
د عوامي نشنل ګوند ولایتي مشر سردار حسین بابک ادعا کړې، چې د پاکستان تحریک انصاف (پيټياې) او تحریک طالبان پاکستان (ټيټيپي) ترمنځ له ۲۰۱۳ کال راهیسې احتمالي اړیکې او همغږۍ شتون درلود.
د پاکستان د خبریالانو د خوندیتوب یوې ادارې په خپل تازه راپور کې ویلي، چې په دغه هېواد کې خبریالان د وژنو، تاوتریخوالي او ګواښونو ترڅنګ له ګڼو قانوني فشارونو سره هم مخ دي. له ۲۰۰۰م کال راهیسې تر ۱۷۰ ډېر خبریالان وژل شوي خو یوازې د درېیو وژنو په قضیو کې عاملین یې مجازات شوي دي.
د خیبرپښتونخوا د کوز سویلي وزیرستان ولسوالۍ په انګور اډه سیمه کې د احمدزي وزیر د څلورو قومونو یوې قومي جرګې د پاکستان او افغانستان ترمنځ د نښتو د پایته رسېدو غوښتنه کړې او له دواړو هېوادونو یې غوښتي، چې خپل اختلافات د جګړې پر ځای د خبرو اترو له لارې حل کړي.
د پاکستان تحریک انصاف ګوند مرکزي غړی او د پارلمان پخواني مشر اسد قیصر په خيبرپښتونخوا کې د بیړني حالت تر سیوري لاندې د جوړې شوې کمېټې مشروعیت ننګولی او له چارواکو یې پوښتنه کړې، چې دا کمېټه یې د کوم قانون پر بنسټ جوړه کړې ده؟