د خیبر پښتونخوا د بنو ولسوالۍ د منځنیو او ثانوي زدهکړو بورډ په شمالي وزیرستان کې د امنیتي اندېښنو د زیاتېدو له امله د ښوونځیو پاتې ازموینې تر بلې خبرتیا پورې ځنډولې دي. ځایي چارواکو ویلي، دغه پرېکړه د شمالي وزیرستان د مرستیال کمېشنر د رسمي لارښوونې له مخې شوې ده.
د خیبر پښتونخوا د هنګو ولسوالۍ په شاه الماس پیر غرنۍ سیمه کې د پولیسو پر پوستې له وسلهوال برید وروسته تښتول شوي درې پولیس د قومي مشرانو په منځګړیتوب خوشې شوي دي. د هنګو مرستیال کمېشنر وايي، درې واړه پولیس روغ رمټ دي او ډېر ژر به هنګو ته ورسېږي.
وسلهوالو د خیبر پښتونخوا د کوهاټ ولسوالۍ په لاچي سیمه کې د امن کمېټې غړی عبدالرحمان په ډزو وژلی دی. پولیس وايي، د پېښې په اړه یې پلټنې پیل کړې او د بریدګرو د نیولو هڅې روانې دي. د راپورونو له مخې، یوازې په اکټوبر میاشت کې د امن کمېټې پنځه غړي وژل شوي او ۱۱ نور ټپیان شوي دي.
د شمالي وزیرستان په میرعلي سیمه کې پر یوه کور د ډرون برید له امله دوه ماشومان وژل شوي او دوه ښځې ټپیانې دي. دغه برید د دوشنبې په ورځ (د لړم ۱۸مه) داسې مهال شوی، چې په سیمه کې امنیتي عملیات روان دي او په ځینو برخو کې ګرځبندیز هم لګېدلی دی.
د خیبر پښتونخوا د بنو ولسوالۍ په جنډوخېل سیمه کې د ځمکې پر سر د دوو لوریو ترمنځ وسلهواله نښته رامنځته شوې ده. پولیسو ویلي، چې په دې ډزو کې درې تنه وژل شوي. بل لورته په باجوړ کې هم نامعلومو کسانو د عبدالرحیم په نوم یو کس په ډزو وژلې دی.
د خیبر پښتونخوا والي فیصل کریم کنډي او د ګلګت بلتستان اعلی وزیر امجد حسین په یوه لیدنه کې د دواړو لوریو د شندور، بابوسر او ډېمونو سیمو اړوند پخوانیو سرحدي شخړو د حل لپاره پر خبرو اترو هوکړه کړې ده.
د خیبر پښتونخوا د هنګو ولسوالۍ په شاه الماس سیمه کې پر یوې غرنیزې امنیتي پوستې د ناپېژاندو وسلهوالو په برید کې یو پولیس وژل شوی او درې نور تښتول شوي دي. ځینې راپورونه د تښتول شویو پولیسو شمېر پنځه ښيي.
د خیبر پښتونخوا د والي سلاکارې ثمر هارون بلور ویلي، تر هغه چې د افغانستان له خاورې پر پاکستان «ترهګریز» بریدونه کېږي او د اسلاماباد امنیتي اندېښنې نه وي حل شوې؛ د دواړو هېوادونو ترمنځ سوداګري به بېرته پیل نهشي.
د خیبرپښتونخوا د پولیسو مشر ذوالفقار حمید ويلي، چې په تېرو دوو کلونو کې په دغه ایالت کې د وسلهوالو په بریدونو او ناامنیو کې شاوخوا ۳۰۰ پولیس سرتېري وژل شوي دي.
د خېبر پښتونخوا والي فیصل کریم کنډي ویلي، چې د ایالت امنیتي تګلارې او پرېکړې به د پاکستان د فدرالي حکومت له دریځ سره سمې وي او له اسلامآباده به جوړېږي، نه له جلالآباد، کندهار او کابل څخه.
د پېښور پوهنتون استاد ډاکټر فیضالله جان له افغانستان انټرنشنل - پښتو سره په خبرو کې ویلي، چې د پاکستان او طالبانو ناندرۍ یوه ډرامه ده. د ده په وینا، دواړه لوري یو بل ته ریښتینی زیان نه رسوي.
د جمعیت علماء اسلام ګوند مرکزي مشر حافظ حمدالله په پاکستان کې پر واکمنې کړۍ د سختو نیوکو ترحنګ ویلي، چې دوی له رسنیو، سیاسي ګوندونو، دیني مدرسو او ولسونو سره جګړې ته مټې رانغاړلې دي.
د پښتونخوا پولیس وایي، په دغه ایالت کې سږ کال د ځانمرګو او هدفي بریدونو له امله ۲۲۵ پولیس وژل شوي دي. د پېښور د مرکزي پولیسو د راپور له مخې، له سره له ۲۰۲۳ کال راهیسې په بېلابېلو ناامنیو کې د وژل شویو پولیسو شمېر ۸۲۶ ته رسېدلی دی.
عوامي نېشنل ګوند د پښتونخوا د لوړو زده کړو ادارې له لوري په پوهنتونونو کې د ادبي سیالیو له لړۍ څخه د پښتو ژبې پر لرې کولو سخته نیوکه کړې. د دغه ګوند کلتوري مسوول اکبر هوتي ویلي، د څلوېښتو میلیونو وکړو د مورنۍ ژبې څنډې ته کول د ایالت له کلتوري او ادبي هویت سره لویه ناانصافي ده
د خیبر پښتونخوا حکومت د ناامنیو د مخنیوي او د پولیسو د تجهیز لپاره د نږدې ۷۰ میلیارده کلدارو لګولو پلان جوړ کړی دی. د راپورونو له مخې، په دغه پلان کې د ۱۷ زره نویو پولیسو ګومارل، تجهیز او ظرفیت لوړول شامل دي.
د پېښور عالي محکمې په خیبر پښتونخوا کې د والي واکمنۍ او بېړني حالت د لګولو او همدارنګه د عامه نظم د ساتنې قانون له مخې د نیونو پر ضد ثبت شوي ټول غوښتنلیکونه له خپل کاري نوملړه اېستلي دي.
د پېښور پوهنتون کارکوونکو په پېښور کې د خبريالانو مرکز مخې ته د معاشونو او تقاعد د نه ورکړې پر ضد لاریون کړی او له ایالت حکومته یې غوښتي چې د پوهنتون د مالي بحران د حل لپاره دې سمدستي بودیجه ځانګړې کړي.
د عوامي نېشنل ګوند مشر امیر حیدر خان هوتي په خیبر پښتونخوا کې د والي واکمنۍ اعلان غیرجمهوري اقدام بللی او ویلي یې دي، چې دغه ایالت د ترهګرۍ او توندلارۍ له بحران سره مخ دی او د سیاسي ثبات لپاره ګډې پرېکړې ته اړتیا لري.
د خیبر پښتونخوا د ژغورنې ادارې خبر ورکړی چې د جمهې په ورځ د اېبټاباد ولسوالۍ اړوند پر هزاره موټروې سړک باندې د یوه مسافر وړونکي بس او ډمپر موټر ترمنځ په ټکر کې لږ تر لږه اته کسان مړه شوي او ۳۰ نور ټپیان دي.
د پاکستان د احصايې ملي ادارې مرستیال مدیر فهد خان د جمعې په سهار د پېښور ښار په حیاتاباد سیمه کې د ناپېژاندو وسلهوالو په ډزو وژل شوی دی. پولیس وايي، پېښه د پېښور د احصايې ادارې دفتر ته نږدې شوې ده.
د پاکستان د جمعیت علماء اسلام ګوند مشر مولانا فضل الرحمان وايي، په خیبر پښتونخوا کې د بېړني حالت او د والي واکمنۍ د اعلان تر شا د ترهګرۍ پر وړاندې د مبارزې ترڅنګ د دغه ایالت د معدني زېرمو او مالي سرچینو د کنټرول هڅې هم شته.
د پاکستان د ټاکنو کمېسیون په خیبر پښتونخوا کې د ښاروالیو د ټاکنو بهیر ځنډولی، خو په پنجاب ایالت کې یې د دغو ټاکنو د لومړي پړاو لپاره د ۲۰۲۷ کال د فبرورۍ اوومه نېټه ټاکلې ده.