د خیبر ولسوالۍ د تيراه درې هغو کورنیو چې د ناامنۍ، پوځي عملیاتو او بېځایه کېدو پر مهال یې خپلوان له لاسه ورکړي، له حکومت څخه غوښتي چې د زیانمنو کورنیو لپاره اعلان شوی مالي مرستندویه بستې دې ژر تر ژره عملي او ټولو مستحقو کورنیو ته دې بشپړه مالي مرسته ورکړل شي.
د سویلي وزیرستان په لنډي ډوګ سیمه کې د ډرون (کواډکاپټر) برید له امله یو کس وژل شوی او یو بل ټپي دی. د پولیسو په وینا؛ برید د حیات جومات ته څېرمه شوی.
د خيبرپښتونخوا ایالت د پوليسو مشر ذوالفقار حميد ويلي، چې پولیس د ترهګرۍ ضد مبارزې په لومړۍ کرښه کې قرار لري او د هغوی د برلاسۍ لپاره به د پرمختللو وسلو، ډرون څرخکو، د ډرون ضد سیسټمونو او څارونکو وسایلو چمتو کولو ته دوام ورکړل شي.
د خیبر پښتونخوا د تیرا ولسوالۍ د لوړ پوړو ملکي او پوځي چارواکو ۲۴ کسیزې مشورتي کمېټې ترمنځ په ترسره شوې جرګه کې پرېکړه شوې، چې له تیراه درې څخه د بېځایه شویو کورنیو بېرته ستنول به د اکتوبر په ۱۰مه نېټه په څو پړاوونو کې پیل شي.
د خیبر پښتونخوا د نوښار ولسوالۍ د خان شېر ګړۍ په سیمه کې ناپېژاندو کسانو یو افغان کډوال په ډزو وژلی دی. د پولیسو د معلوماتو له مخې؛ وژل شوی کس سرتاج او پلار یې سرتور نومېږي، چې د افغانستان اوسېدونکی و او په پبي سیمه کې یې ژوند کاوه.
په پاکستان کې د طبيعي پېښو پر وړاندې د مبارزې ملي ادارې (اېن ډي اېم اې) د شمېرو له مخې، د ۲۶م جون څخه تر ۲۶مې جولای پورې په ټول هېواد کې د موسمي بارانونو له امله رامنځته شوو پېښو او سېلابونو کې ۱۰۷ کسان مړه شوي او ۳۴۴ نور ټپيان شوې دي.
د خیبر پښتونخوا د باړې بازار ترڅنګ د تېرو درې ورځې پرلهپسې بارانونو د تیراه درې له بېځایه شویو خلکو سره د مرستو او نوملیکنې مرکز ډوب کړی، چې له امله یې د سلګونو کورنیو د نوملیکنې بهیر له جدي ستونزو سره مخ شوی دی.
د خيبر پښتونخوا د اطلاعاتو او عامه اړيکو وزير شفيع جان ويلي، له افغانستان سره د لارو تړل د ستونزو حل نهدی، بلکې د ستونزو د حل لپاره يوه مېکانیزم ته اړتیا ده، ځکه چې د سوداګریزو اړیکو د درېدو له امله خلک له ستونزو سره مخ شوي دي.
د خيبرپښتونخوا په باجوړ ولسوالۍ کې د یوې ماين چاودنې له امله لږ تر لږه دوه کسان وژل شوي او د څو نورو د ټپي کېدو هم ويل شوې دي. په وژل شويو کې د یوه ښوونځي یو ښوونکی هم شامل دی.
تحریک طالبان پاکستان (ټيټيپي) ادعا کړې، چې د خيبرپښتونخوا په سويلي وزيرستان کې د پاکستان د پوځ پر دوه کمپونو په برید سره یې څه باندې ۴۰ پاکستاني نظامیان وژلي او ګڼ نور یې ټپیان کړي دي. د پاکستان پوځ بیا پر یادو کمپونو د وسلهوالو دبریدونو له شنډولو خبر ورکړی دی.
د خیبر پښتونخوا د سویلي وزیرستان په واڼه سیمه کې د پاکستاني ځواکونو پر یوې امنیتي پوستې په موټربم برید کې ځانمرګی بریدګر وژل شوی، یو ځايي اوسېدونکی ټپي شوی او د سیمې ځینو کورونو ته هم زیان اوښتی دی.
د خیبر پښتونخوا په سویلي وزیرستان کې د پاکستاني ځواکونو پر یوې امنیتي پوستې موټربم برید شوی، چې له چاودنې وروسته د ډزو د تبادلې غږونه هم اورېدل شوي دي.
خیبر پښتونخوا کې دولتي ادارو د افغان کډوالو د ایستلو په لړ کې د کورونو مالکانو ته د خپلو ملکیتونو د خالي کولو او افغان وګړو ته د بیا کرایه ورکولو د مخنیوي لارښوونه کړې، چې له امله یې زرګونه افغان کورنۍ او د ملکیتونو مالکانو هم له اقتصادي او قانوني ستونزو سره مخ شوي دي.
قطر د خیبر پښتونخوا په ټانک ولسوالۍ کې پر یوې ګډې پولیسې او امنیتي پوستې شوی برید په کلکو ټکو غندلی، چې د پاکستاني چارواکو په وینا، په کې ۱۵ امنیتي کسان او یو دولتي چارواکی وژل شوي او ۱۲ بریدګر هم له منځه وړل شوي دي.
د پښتون ژغورنې غورځنګ مشر منظور پښتین د پاکستان له زندانونو څخه د زبیر شاه اغا، عثمان شېراني او محمد شعیب خان په ګډون د یاد غورځنګ د یو شمېر مخکښو غړو له ازادېدو خبر ورکړی او همداراز یې د هغوی له ازادېدو هر کلی کړی دی.
د خیبر پښتونخوا پخواني اعلی وزیر حیدر خان هوتي پر تحریک انصاف ګوند نیوکه کړې او ویلي یې دي، چې د دغه ګوند بنسټګر عمران خان په پېنډۍ کې بندي دی، خو تحریک انصاف په خیبر پښتونخوا کې لاریونونه کوي. هغه وايي، باید هلته لاریون وشي، چې عمران خان بندي دی.
د خیبر پښتونخوا د حکومت لوړپوړو چارواکو ویلي، په دغه ایالت کې د وسلهوالو د تمویل، وسلو، مهماتو او د استخباراتي معلوماتو د برابرولو شبکو او سرچینو د لهمنځه وړلو لپاره جدي اقدامات روان دي. په دې وروستیو کې په دغه ایالت کې د ناامنیو لمن ډېره پراخه شوې ده.
د خېبر پښتونخوا د ټانک ولسوالۍ د مانجه خېلو په سیمه کې د پاکستاني پولیسو او امنیتي ځواکونو پر ګډې امنیتي پوستې د موټربم برید کې د وژل شویو سرتېرو شمېر ۱۲ او د ټپیانو ۲۵ ته لوړ شو. تر برید وروسته له بریدګرو سره د سختې نښتې راپورونه هم ورکړل شوي دي.
په خېبر پښتونخوا کې (د جولای له ۱۹مې) نېټې راهیسې د سختو ورښتونو او ناڅاپي سېلابونو له امله په بېلابېلو پېښو کې ۲۸ کسان مړه او ۲۹ نور ټپیان شوي دي. د خېبر پښتونخوا د طبیعي پېښو پر وړاندې د مبارزې ادارې په وینا؛ په مړو شویو کسانو کې ۱۰ نارینه، ۱۵ ماشومان او ۳ ښځې شاملې دي.
د خیبر پښتونخوا د ټانک ولسوالۍ په مانجهخېلو سیمه کې د پاکستاني پولیسو او پوځ پر ګډې امنیتي پوستې موټربم برید شوی، چې له امله یې درې پولیس سرتېري وژل شوي او شپږ نور کسان ټپیان دي.
د خیبر پښتونخوا د کوهاټ ولسوالۍ ټنل ته څېرمه ناپېژاندو وسلهوالو د ګمرک پر یوې پوستې برید کړی او د ګمرک سرتېرو موټر یې هم په نښه کړی دی. په برید کې د ګمرک یو سرتېری وژل شوی او یو بل سخت ټپي دی.
تحریک طالبان پاکستان (ټيټيپي) د پنجشنبې په شپه (د زمري لومړۍ) د خیبرپښتونخوا د ډېره اسماعیل خان ولسوالۍ په منجيخېلو سیمه کې د پاکستاني پوځ او پولیسو پر ګډې اډې د برید ادعا کړې ده. د پاکستان پوځ او پولیسو لا تر اوسه په دې تړاو څه نهدي ویلي.