د خیبربښتونخوا د پېښور خزانه تاڼې اړوند د ګوهي قادراباد په سیمه کې د خپلې خوښې واده غوښتنې له امله یوې کورنۍ خپله ۱۶ کلنه لور او ۲۲ کلن ځوان وژلي دي. د پېښور پولیسو ویلي، چې تر پېښې وروسته د هلک کورنۍ له وسلو سره یادې سیمې ته ورغلې وه.
د خيبرپښتونخوا په سويلي ولسوالۍ ټانک کې نامعلومو کسانو يو دولتي ښوونځی او يو روغتيايي مرکز پر چاودېدونکو توکو الوزولي دي.
د پېښور سترې محکمې مشر قاضي د یوه افغان وګړي د پاکستانۍ مېرمنې د عریضې له اورېدو وروسته د هغه د سمدستي خوشې کېدو امر صادر کړی دی.
د خيبرپښتونخوا په سویلي ولسوالۍ لکي مروت کې د پوليسو د امن کمېټه وايي، که د پښتونخوا په ټولو سيمو کې د پوليسو امن کمېټې جوړې شي، او د خپلو سیمو خلک یې ملاتړ وکړي، نو په هره سیمه کې به امنيت پر ځای شي.
د طالبانو او پاکستان ترمنځ د کړکېچ او د سوداګریزو لارو د پرلهپسې تړل کېدو له امله د پښتونخوا په بازارونو کې د وچو مېوو بیې په بې ساري ډول لوړې شوې دي. سوداګر وايي، د عرضې کمښت او د اختر له رانږدې کېدو سره د تقاضا زیاتوالي نرخونو لا لوړ کړي دي.
د عوامي نشنل ګوند مشر اېمل ولي خان پر پاکستاني رياست نيوکې کړي او ويلي يې دي، «په خيبرپښتونخوا او بلوچستان ايالتونو کې پرله پسې خرابېدونکی امنيتي وضعيت د رياست د ناکامۍ څرګند نښه دی».
د پاکستان د بشري حقونو کمېسيون (اېچ ار سي پي) په بلوچستان ایالت کې پر زياتېدونکې ناامنۍ ژوره اندېښنه څرګنده کړې او ویلي یې دي چې«په دغه ايالت کې د ناامنۍ زياتېدونکې پېښې د حکومتي واک د کمزورۍ ښکارندويي کوي».
امنیتي چارواکي وایي، د خېبر پښتونخوا د بنو ولسوالۍ د میریان سیمې په بارکزي اخوندخېل کې د شنبې په ورځ د پولیسو، ولسي امن کمېټې او وسلوالو ترمنځ سخته نښته شوې، چې پکې لږ تر لږه ۲۵ وسلوال وژل شوي او ګڼ نور ټپیان دي.
د خيبرپښتونخوا پخواني اعلی وزير امير حیدر خان هوتي پر مرکزي او د پښتونخوا پر صوبايي یا ایالتي حکومتونو نيوکې کړي، چې دغه صوبه یې له پامه غورځولې او داسې ښکاري چې «مرکزي او ايالتي حکومتونه پر پښتنو لوبې کوي».
د خيبرپښتونخوا والي فيصل کريم کنډي د پاکستان له لومړي وزير شهباز شريف څخه غوښتنه کړې، چې «د مرکزي حکومت د پیاوړتیا لپاره دې د غنمو ازاد لېږد سمدستي یقیني کړي او خیبرپښتونخوا ته دې بیړنۍ مرستې ورسوي».
د پاکستان د سند پوليس وايي، له پېښور څخه شکارپور ته تښتول شوې نجلۍ یې د یوې لړ عملياتو په ترڅ کې د تښتوونکو له منګلو وژغورله. د دوی په وینا، په دې عملیاتو کې یو انسان تښتونکی وژل شوی او یو شمېر نور یې ټپیان شوي دي. دغه ۱۱ کلنه نجلۍ شاوخوا دوه میاشتې مخکې تښتول شوې وه.
د خیبر پښتونخوا په مرکز پېښور کې د فدرالي پلټنو ادارې (ایف ای اې) د چاپې پر مهال ۱۴ افغان وګړي نیولي، چې د جعلي پاکستاني پېژندپاڼو په جوړولو او کارولو تورن شوي دي. چارواکي وايي، نیول شویو کسانو غوښتل د دغو جعلي اسنادو له لارې سعودي عربستان ته سفر وکړي.
د خیبر پښتونخوا حکومت وايي، دغه صوبه له خپلې اړتیا درې برابره زیات ګاز تولیدوي، خو خپلو کارخونو ته ګاز نهلري. د دوی په وینا، د پنجاب کارخونې د پښتونخوا پر ګاز چلېږي، خو پنجاب بیا خپل غنم پښتونخوا ته نه ورکوي او له دوی سره توپیري چلند کېږي.
د خيبرپښتونخوا د باجوړ ولسوالۍ لسګونه پوليسو د ناامنۍ له امله له دندو د پرېښودو عریضې وړاندې کړې دي. تر دې مخکې هم ګڼ پولیس له خپلو دندو لاس په سر شوي دي. د سيمې سياسي مشرانو بیا د امن لپاره د را روان جون په شپږمه د پرلت اعلان کړی دی.
د پاکستان د سند د شکارپور ولسوالۍ پوليس وايي، د هغې ماشومې چې له پېښوره د سند شکارپور ته یې د تښتولو راپور ثبت شوی، د موندلو لپاره د پوليسو عمليات دوام لري. پوليس چارواکي زیاتوي، ډېره ژر به دغه ماشومه د تښتوونکو له منګولو راخلاصه کړي. یاده ماشومه نږدې ۲ میاشتې مخکې تښتول شوې ده.
د پښتون ژغورنې غورځنګ مشر منظور پښتین د یوې پښتنې ماشومې او د هغې د مور د تښتولو او شکنجې په اړه د اندېښنې په څرګندولو پر فیسبوک پاڼه (میټا) لیکلي، که د خیبر جرګې پرېکړې عملي شوې وای؛ نو نن به پښتنو خپل متحد مرکز او منظم خوندیتوب لاره.
د خیبر پښتونخوا د صوبایي اسمبلۍ غړي نثار باز خان د پاکستان په ملي رسنیو نیوکه کړې او ویلي یې دي چې د خیبر پښتونخوا او بلوچستان د خلکو پر وړاندې د تاوتریخوالي په پېښو کې د رسنیو چوپتیا د «توکمیز تبعیض» او دوه ګوني چلند څرګندونه کوي.
د افغانستان د جمهوري نظام پر مهال د بهرنیو چارو وزیر محمد حنیف اتمر د نثار محمد یوسفزي فداکارۍ د ستاینې په ترڅ کې ویلي، چې د هغه مبارزه د سیمې د ملتونو ترمنځ د تاریخي یووالي او پیوستون څرګندونه کوي او د ګډ تمدني فضا د پیاوړتیا پیغام لري.
د پاکستان پوځ ویلي، چې د خیبر پښتونخوا په بېلابېلو سیمو کې د باور وړ استخباراتي معلوماتو پر بنسټ یې پراخ عملیات ترسره کړي دي. د پوځ د عامه اړیکو څانګې په وینا، په تېرو ۴۸ ساعتونو کې په دتهخېل، سپینوام او بنو کې د سختو نښتو پر مهال لږ تر لږه ۲۳وسلهوال وژل شوي دي.
د پاکستان د بشري حقونو کمېسیون د دغه هېواد له فدرالي حکومت او د خیبر پښتونخوا له ځایي ادارې غوښتي، چې د پښتون ژغورنې غورځنګ فعال فریدالله اپریدي د ژر تر ژره موندلو لپاره اړین ګامونه پورته کړي. فریدالله اپریدی څلور ورځې وړاندې په پېښور کې نادرکه شوی.
د خیبر پښتونخوا په شانګله ولسوالۍ کې په دوو جلا پېښو کې دوه کان کېندونکي مړه او یو بل ټپي شوی دی. لومړۍ پېښه د اخوروال د سکرو کانونو په پنځم کان کې هغه مهال رامنځته شوه، کله چې دوه کان کېندونکي د کان دننه د کار پرمهال د خاورو او ډبرو لاندې بند پاتې شول.
تاجکستان د مسکو له دونسکوي هدیرې نه د یوه افغان او پښتون اتل نثار محمد او دوو نورو تاجکستاني اتلانو د قبرونو خاورې او ایرې د یولړ مراسمو په ترڅ کې د دوشنبې ښار لُچوب هدیرې ته انتقال کړې. نثارمحمد یوسفزی د تاجکستان د پوهنې بنسټګر او ددغه هېواد د جوړېدو غورځنګ مخکښ غړی بلل کیږي.