وزارت دفاع روسیه در بیانیهای از تمرینات نظامی بزرگترین تشکیلات زمینی این کشور در کوههای تاجیکستان خبر داد. این نیروها با استفاده از تانکهای BTR-82A به تمرین پرداختند. به گفته این وزارت، تمرینات نظامی با مشارکت نیروهای دیگر کشورهای منطقه در آینده وسیعتر خواهد بود.
این در حالیست که روسیه روز گذشته اعلام کرد شاهد افزایش تنش در روابط تاجیکستان و افغانستان است و براساس اطلاعاتی که طالبان دادهاند دهها هزار نیروی این گروه به ولایت تخار، در شمالشرق افغانستان، در مجاورت تاجیکستان مستقر شدهاند. مسکو از طالبان و تاجیکستان خواسته است اختلافات را به طرز قابل قبولی حل کنند.
تاجیکستان متحد روسیه و عضو مهم سازمان پیمان امنیت جمعی است. این سازمان به منظور همکاریهای امنیتی در منطقه تشکیل شده است.
وزارت دفاع روسیه گفته است در ماه اکتوبر جاری در چارچوب این سازمان قرار است ۳ رزمایش نظامی بزرگ کشورهای سازمان پیمان امنیت جمعی در خاک تاجیکستان برگزار شوند.
شیرعلی میرزاوف، وزیر دفاع تاجیکستان پیش از این گفته بود در این تمرینات "افغانستان در ذهنشان است".
