شماری از کارمندان محلی موسسهٔ آلمانی جی‌آی‌زید در تماس با افغانستان اینترنشنال می‌گویند طالبان چهار تن از کارمندان این موسسه آلمانی را کشته‌اند و آنها به دلیل ترس از انتقام‌جویی طالبان، مجبور شدند خانه‌های شان را ترک و پنهان شوند.
این کارمندان از دولت آلمان می‌خواهند به وضعیت آنان رسیدگی کند.
با این حال، مسئولان این موسسهٔ آلمانی در خصوص قتل کارمندان محلی این سازمان در افغانستان اظهار نظر نکرده‌اند.
موسسۀ جی‌آی‌زید یا سازمان همکاری‌های بین‌المللی آلمان در افغانستان حدود صد کارمند آلمانی و بین‌المللی داشت و حدود ۱۴ صد تن از کارمند آن را شهروندان افغانستان تشکیل می‌داد.
پیش از این نیز شمار دیگر از کارمندان محلی نهادهای بین‌المللی نسبت به امنیت شان اظهار نگرانی کرده خواستار خروج از کشور شدند.
