نشست سران کشورهای مستقل مشترک المنافع با اشتراک پوتین و با تجلیل از ۳۰ سالگی ایجاد این سازمان، در سنت پترزبورگ روسیه دایر شد. پوتین این نشست را نمایشی از روابط نزدیک اقتصادی و سیاسی جمهوریت‌های سابق شوروی با روسیه توصیف کرد.
به نقل از وبسایت کرملین، رئیس جمهور روسیه گفت که ایجاد سازمان کشورهای مشترک المنافع در ۳۰ سال قبل اقدامی درست بود و نقش مثبت را در توسعه روابط کشورهای عضو بازی کرده است.
او با انگشت گذاشتن روی نزدیکی اقتصادی و امنیتی این کشورها با روسیه گفت که «درهم تنیدگی روابط در بسیاری از عرصه‌ها بیشتر شده است.»
رهبران کشورهای روسیه، ازبیکستان، قزاقستان، ارمنستان، قیرقیزستان، تاجیکستان، ترکمنستان و بلاروس به دعوت ولادیمیر پوتین در این نشست اشتراک کردند.