ناآرامی‌ها در بدخشان تاجیکستان؛ پولیس عملیات ضد تروریستی را آغاز کرد

وزارت داخله تاجیکستان گفته است که از زمان شروع اعتراض‌ها، یک نفر کشته و سه افسر پلیس زخمی شده است.

دولت تاجیکستان گفته است این حمله کار "یک گروه جنایتکار" بوده است.

گفته شده اعتراض‌‌ها زمانی آغاز شد که روز شنبه، ۲۴ ثور ساکنان منطقه از والی بدخشان و شهردار خاروق، مرکز این ولایت خواستند استعفا بدهد.

ساکنان بدخشان تاجیکستان هشدار داده‌اند که اگر به خواست‌شان رسیدگی نشود، دست به تظاهرات گسترده خواهند زد.

وزارت داخله تاجیکستان می‌گوید معترضان روز دوشنبه یک شاهراه در ولسوالی روشان بدخشان را هم مسدود کردند.

این وزارت گفته به منظور تأمین امنیت شهروندان و نظم عمومی، عملیات ضد تروریستی در منطقه روشان راه‌اندازی شده است.

روشان، در نزدیکی مرز با افغانستان موقعیت دارد.

وزارت داخله تاجیکستان گفته این عملیات علیه "گروه‌های جنایتکار سازمان‌یافته" به راه افتاده که دست به مقاومت مسلحانه زده بودند.

این عملیات همچنان ادامه دارد.