سران شورای امنیت روسیه و تاجیکستان از حضور تروریست‌ها در افغانستان ابراز نگرانی کردند

جمعه ۱۴۰۱/۰۵/۲۸

نیکولای پاتروشف و نصرالله محمودزاده، سران شورای امنیت روسیه و تاجیکستان در حاشیه نشست سازمان همکاری شانگهای در تاشکند دیدار کردند.

مقامات هر دو کشور در این دیدار با نگرانی از حضور فعال گروه‌های تروریستی در افغانستان، بر گسترش همکاری برای مبارزه با تروریسم تاکید کردند.

هفدهمین اجلاس سالانه سران شورای امنیت کشورهای عضو سازمان همکاری شانگهای امروز در تاشکند شروع به کار کرد.

امنیت منطقه، وضعیت افغانستان، همکاری برای مبارزه با تروریسم، افراط‌گرایی، قاچاق مواد مخدر و اسلحه در این اجلاس بررسی می‌شود.

روسیه می‌گوید شاخه خراسان داعش در افغانستان چند هزار نیرو دارد. آنچه باعث نگرانی نه تنها مسکو، بلکه کشورهای آسیای میانه و امریکا نیز شده است.

نیکولای پاتروشف می‌گوید ایالات متحده در تلاش‌ توافق بر سر ایجاد پایگاه‌های نظامی در نزدیکی افغانستان است.

او رزمایش اخیر "همکاری منطقه‌ای - ۲۰۲۲" به فرماندهی ایالات متحده در تاجیکستان را نشانه این تلاش‌های واشنگتن می‌داند.

خبرها
دیدگاه
خبرها

رادیو

وقت روایت شماست

فیلم‌ها و صداهای خود را برای ما
ارسال کنید