دفتر ریاست‌جمهوری تاجیکستان اعلام کرده که امام‌علی رحمان در گفتگوی تلفنی با آنتونیو گوترش، دبیرکل سازمان ملل خواهان ادامه کمک‌های بشردوستانه جامعه جهانی به مردم افغانستان شده است.
امام‌علی رحمان گفته که جهان نباید مردم "رنج دیده" افغانستان را در شرایط سخت کنونی تنها بگذارد.
در اعلامیه دفتر ریاست‌جمهوری تاجیکستان آمده که این کشور آماده است قابلیت‌های لجستیکی خود را برای کمک به مردم افغانستان در اختیار جامعه جهانی بگذارد.