خواجه محمد آصف:پاکستان و تاجیکستان در همسایگی با افغانستان با تهدیدات امنیتی مشترک مواجهند

پنجشنبه ۱۴۰۱/۰۹/۲۴

وزیر دفاع پاکستان با رئیس‌جمهور تاجیکستان در اسلام‌آباد دیدار کرد. خواجه محمد آصف در این دیدار به امامعلی رحمان گفت که پاکستان و تاجیکستان به عنوان همسایگان افغانستان، با چالش‌ و تهدیدهای امنیتی مشترک از جمله تروریسم و قاچاق مواد مخدر در سراسر مرز مواجه‌اند.

این اظهارات در حالیست که هر دو کشور از زمان قدرت‌گیری طالبان، از خاک افغانستان مورد حمله قرار گرفته‌اند.

وزیر دفاع پاکستان گفته خواهان حل مسالمت‌آمیز همه مشکلات است و از تلاش‌های تاجیکستان در جهت صلح منطقه سپاسگزار است.

به گزارش رسانه‌های پاکستان، در این دیدار توافق شد که پاکستان و تاجیکستان همکاری‌های خود را هم تقویت کنند.

گفته شده که رئیس‌جمهور تاجیکستان هم استقبال کرده و اطمینان داده با پاکستان برای تقویت روابط دوجانبه همکاری کند.

امامعلی رحمان همچنین از وزیر دفاع پاکستان دعوت کرده که به دوشنبه سفر کند.

او پیش از دیدار با خواجه محمد آصف با شهباز شریف، نخست وزیر پاکستان دیدار و گفتگوهایی داشت و در مورد افغانستان هم تبادل نظر کردند.

رئیس‌جمهور تاجیکستان روز چهارشنبه ۲۳ قوس برای دو روز وارد پاکستان شد.

پربیننده‌ترین‌ها

جهان‌نما
شهر دو بهار
دیدگاه

پربیننده‌ترین ویدیو‌ها

رادیو

وقت روایت شماست

فیلم‌ها و صداهای خود را برای ما
ارسال کنید