نگرانی از وضعیت افغانستان؛ همکاری‌های امنیتی کشورهای سازمان همکاری شانگهای افزایش می‌یابد

چین، روسیه، هند، قزاقستان، قرقیزستان، تاجیکستان، پاکستان و اوزبیکستان اعضای اصلی سازمان همکاری شانگهای هستند.

از زمان تسلط طالبان بر افغانستان تاکنون چندین بار حملات راکتی به تاجیکستان و اوزبیکستان انجام شده است. داعش مسئولیت این حملات را بر عهده گرفته است. این گروه حملاتی به شهروندان چین و روسیه در کابل نیز داشته است. چندی پیش دو دیپلومات روسیه در کابل کشته شدند که مسئولیت آن را هم داعش بر عهده گرفت.

ژانگ مینگ گفته است سازمان همکاری شانگهای به موضوع افغانستان توجه زیادی دارد و همواره آن را در دستور کار امنیتی خود قرار داده است.

او می‌گوید سازمان همکاری شانگهای همکاری‌ خود با سازمان پیمان امنیت جمعی را هم افزایش داده تا بتوانند هماهنگی بیشتری در جلوگیری از خطرات ناشی از افغانستان داشته باشند.