روسیه و تاجیکستان برای مقابله با تهدید شبه‌نظامیان، رزمایش نظامی مشترک برگزار کردند

پنجشنبه ۱۴۰۳/۰۱/۳۰

ارتش روسیه و تاجیکستان روز پنجشنبه به مانور نظامی مشترک چند روزه خود در منطقه ختلان تاجیکستان پایان دادند.

سربازان دو کشور برای مقابله با رخنه گروه‌های تروریستی به خاک تاجیکستان تمرینات مشترک انجام دادند.

وزارت دفاع روسیه روز پنجشنبه (۳۰ حمل) ویدیوهای مانور نظامی مشترک این کشور با تاجیکستان را منتشر کرده است که در آن چرخبال‌های تهاجمی، پهپادها، سیستم‌های موشکی پرتاب چندگانه، توپخانه و تانک‌ها در مناطق بیابانی و کوهستانی علیه دشمن فرضی مستقر می‌شوند.

وزارت دفاع روسیه گفته است هدف این رزمایش «نابودی باندهای تروریستی» بوده و در این تمرینات ارتش روسیه درس‌هایی را که از جنگ اوکراین آموخته است، برای تاجیکستان انتقال داده است.

این رزمایش مشترک ارتش روسیه و تاجیکستان پس از حمله مرگبار داعش به سالن کنسرت موسیقی در مسکو انجام شد که در آن دست‌کم ۱۴۴ نفر کشته شدند.

روسیه و تاجیکستان شامل ائتلاف پیمان امنیت جمعی به رهبری روسیه اند. این پیمان بارها نگرانی خود را از نفوذ گروه‌های شبه نظامی از افغانستان به خاک کشورهای عضو ابراز کرده است.

خبرهای بیشتر

پربیننده‌ترین ویدیوها

خبرها
بحث روز
جهان‌نما
خبرها

رادیو

پادکست‌ها