سازمان ملل می‌گوید ناروی ۱.۸ میلیون دالر به افغانستان کمک کرده است
دفتر هماهنگ‌کننده کمک‌های بشردوستانه سازمان ملل می‌گوید ناروی امسال ۱.۸ میلیون دالر به صندوق بشردوستانه افغانستان کمک کرده است. این سازمان گفت کمک‌های ناروی به افغانستان در ۱۰ سال گذشته به ۱۸۹ میلیون کرون (بیش از هفده و نیم میلیون دالر) می‌رسد.
پس از به قدرت رسیدن طالبان در افغانستان، معیشت شمار زیادی از شهروندان به کمک‌های بشردوستانه سازمان‌های امدادی وابسته است.
براساس آمارهای سازمان ملل، نزدیک به ۲۴ میلیون نفر در افغانستان به کمک‌های بشردوستانه نیاز دارند.