رقابت‌های والیبال آسیای مرکزی به پایان رسید و تیم والیبال قرغیزستان با نتیجه ٠-٣ تیم اوزبیکستان، میزبان این مسابقات را شکست داد و قهرمان شد. در رقابت‌های والیبال مرکز آسیا، تیم‌های ملی والیبال افغانستان، اوزبیکستان، ترکمنستان، تاجیکستان، مالدیو و قرغیزستان حضور داشتند.
در این رقابت‌ها تیم‌های قرغیزستان، اوزبیکستان و ترکمنستان اول تا سوم شدند و تیم‌های افغانستان، مالدیو و تاجیکستان نیز در رده‌های بعدی قرار گرفتند.
تیم افغانستان در این مسابقات شش مسابقه انجام داد. حاصل کار شاگردان حمید موحدی پنج شکست و یک پیروزی بود. افغانستان در مرحله گروهی، مقابل تیم‌های تاجیکستان، اوزبیکستان، ترکمنستان و قرغیزستان شکست خورد و تیم مالدیو را شکست داد.
افغانستان در دیدار رده‌بندی نیز یک بار دیگر مقابل تیم ترکمنستان مغلوب شد و دستش از رسیدن به مدال کوتاه ماند.
