طالبان از رهایی ۵۰ شهروند افغانستان از زندان‌های پاکستان خبر داد
وزارت مهاجرین طالبان اعلام کرد که ۵۰ شهروند افغانستان از زندان‌های مختلف پاکستان آزاد و به افغانستان منتقل شده‌اند. این وزارتخانه روز پنجشنبه در بیانیه‌ای نوشت که این افراد از طریق گذرگاه اسپین‌بولدک وارد افغانستان شده‌اند.
حکومت پاکستان در ماه‌های اخیر بازداشت و اخراج مهاجران افغان را تشدید کرده است.
سازمان‌های مدافع حقوق بشر و مهاجران، بارها نسبت به بازداشت بی‌رویه مهاجران افغان در پاکستان ابراز نگرانی کرده‌اند.