اوزبیکستان ۱۸۳ تُن کمک بشردوستانه به افغانستان فرستاد
اوزبیکستان به مناسبت عید قربان ۱۸۳ تُن کمک بشردوستانه شامل مواد غذایی به افغانستان ارسال کرد. کمک‌های بشردوستانه اوزبیکستان در بندر حیرتان به مقام‌های طالبان تحویل داده شده است.
اوزبیکستان به مناسبت عید قربان ۱۸۳ تُن کمک بشردوستانه شامل مواد غذایی به افغانستان ارسال کرد. کمک‌های بشردوستانه اوزبیکستان در بندر حیرتان به مقام‌های طالبان تحویل داده شده است.
مقام‌های اوزبیکستان در سرخان‌دریا اعلام کردند که محموله جدید کمک‌های بشردوستانه این کشور شامل آرد، برنج، شکر، ماکارونی، محصولات شیرینی، روغن نباتی، غذاهای فوری، لوبیا و ماش بوده است.
به گفته مقام‌های این کشور، این کمک‌ها به مناسبت عید قربان و به دستور شوکت میرضیایف، رئیس‌جمهور اوزبیکستان به افغانستان ارسال شده است.
محموله‌های مواد غذایی با حضور عصمت‌الله ایرگاشف، نماینده ویژه این کشور در افغانستان، فرماندار سرخان‌دریا و معاون والی طالبان در ولایت بلخ به مقام‌های این گروه تحویل داده شد.
بر اساس آمار سازمان ملل، پس از تسلط طالبان بر افغانستان بیش از نیمی از جمعیت این کشور در خطر گرسنگی حاد قرار دارند و به کمک‌های خارجی وابسته‌اند.