اسماعیل بقائی، سخنگوی وزارت خارجه جمهوری اسلامی ایران، حمله پهپادی در خاک تاجیکستان که منجر به کشته شدن دست‌کم سه شهروند چینی شد را شدیداً محکوم کرد. تاجیکستان اعلام کرد که این حمله از خاک افغانستان انجام شده است، اما وزارت خارجه ایران در این مورد چیزی نگفته است.
سخنگوی وزارت خارجه ایران با ابراز همبستگی با دولت‌های تاجیکستان و چین، تاکید کرد که جمهوری اسلامی همه اشکال و مظاهر تروریسم را قاطعانه محکوم می‌کند.
او همچنین بر ضرورت تقویت همکاری‌های چندجانبه برای پیشگیری و مقابله مؤثر با پدیده تروریسم تاکید کرد.
در حمله پهپادی در ولایت ختلان تاجیکستان، دست‌کم ۳ شهروند چین کشته شدند.
طالبان این حمله را محکوم کرد و گفت در این رویداد «دست حلقاتی در کار است که برای ایجاد آشوب، بی‌ثباتی و دامن زدن به بی‌اعتمادی میان کشورهای منطقه تلاش می‌کنند.»
