هیئتی از وزارت داخله طالبان به اوزبیکستان رفت
عبدالرحمن منیر، معین مبارزه با مواد مخدر وزارت داخله طالبان پنجشنبه، ۱۳ قوس در رأس یک هیئت به اوزبیکستان رفت. سخنگوی وزارت داخله طالبان هدف این سفر را شرکت در نشست مرکز هماهنگی مبارزه با مواد مخدر کشورهای آسیای میانه عنوان کرد.
سخنگوی وزارت داخله طالبان در خبرنامه‌ای نوشت که نشست کشورهای عضو مرکز هماهنگی مبارزه با مواد مخدر و معلومات منطقه‌ای آسیای میانه روز جمعه در شهر سمرقند اوزبیکستان برگزار می‌شود.
کشت، تولید و قاچاق مواد مخدر و تهدید‌های امنیتی از خاک افغانستان نگرانی‌های قابل‌توجهی را در میان کشورهای آسیای مرکزی خلق کرده است.
اوزبیکستان در میان دیگر کشورهای آسیای میانه، تقریبا بیشترین تعامل را در چهار سال گذشته با طالبان داشته است. مقامات این کشور بارها به کابل سفر کرده و نماینده‌های طالبان را نیز در نشست‌های مختلف به اوزبیکستان دعوت کرده‌اند.
