سازمان امنیت جمعی تحت رهبری روسیه بزرگترین مانور نظامی ۶ روزهاش را روز دوشنبه در نزدیکی مرز افغانستان و تاجیکستان شروع کرد. به گفته وزیران دفاع روسیه و تاجیکستان، در این نمایش نظامی ۵ هزار سرباز شرکت دارند. روسیه و تاجیکستان نگران نفوذ تندروهای اسلامی به آسیای میانهاند.
این مانور در پی یک رشته تمرینات کوچک نظامی روسیه و متحدانش در ماههای آگست و سپتامبر در مرز افغانستان برگزار شده است.
برخلاف سایر کشورهای همسایه شمالی افغانستان که با طالبان روابط کاری برقرار کردهاند، تاجیکستان از به رسمیت شناختن دولت طالبان خودداری کرده و همزمان، گزارشهای از صفآرایی در دو سوی مرز نیز منتشر شده است.
مسکو در تاجیکستان یک پایگاه نظامی دارد و به مقامهای دوشنبه اطمینان داده است که در جلوگیری از نفوذ تندروها به قلمرو تاجیکستان کمک خواهد کرد.
این هفته روسیه میزبان یک کنفرانس بینالمللی با حضور نمایندگان چین، پاکستان، هند، ایران و همچنین طالبان نیز خواهد بود. هرچند مقامهای روسیه گفتهاند که انتظار پیشرفت مهم از این نشست ندارند.
ضمیر کابلف، نماینده خاص رییس جمهور ولادیمر پوتین در امور افغانستان گفته است که مقامهای روسیه، امریکا، چین و پاکستان روز سه شنبه جداگانه در مسکو دیدار خواهند کرد تا موقف شان را در مورد وضعیت رو به تغییر افغانستان یکدست کنند.
