رئیسجمهور تاجیکستان به مقامهای نظامی کشورش دستور داد ۷۰ تاسیسات زیربنایی مرزی از جمله پاسگاههای در حال ساخت را با تمام تجهیزات مورد نیاز در سال جاری به بهرهبرداری برسانند. در وبسایت ریاستجمهوری تاجیکستان آمده که امامعلی رحمان بر تشدید مبارزه با تروریسم تاکید کرده است.
این اظهارات در حالیست که سازمان پیمان امنیت جمعی اعلام کرده چهار هزار جنگجوی داعش در مرز افغانستان و تاجیکستان مستقر شدهاند.
مسکو که متحد دوشنبه محسوب میشود نیز پیشتر از آغاز به کار یک پاسگاه مدرن و مجهز در خاک تاجیکستان در نزدیکی افغانستان خبر داد.
مقامهای هر دو کشور بارها از حضور گروههای تروریستی در افغانستان ابراز نگرانی کردهاند.
سازمان پیمان امنیت جمعی حتی هشدار داده که اگر تهدیدی از خاک افغانستان ایجاد شود، در ظرف دوازده ساعت پاسخ قاطع به آن داده خواهد شد.
طالبان همواره حضور گروههای تروریستی در افغانستان را رد کردهاند.
با این حال، امامعلی رحمان در نشستی با شورای امنیت تاجیکستان در روز پنجشنبه ۲۷ دلو، تاکید کرده که مقابله با تهدیدات تروریستی باید افزایش یابد.
رئیسجمهور تاجیکستان خواهان تشدید اقدامات از سوی نهادهای امنیتی و نظامی کشورش در جهت اجرای استراتژی مقابله با تروریسم و افراطگرایی در تاجیکستان هم شده است.
