وزیر خارجه روسیه در سفری به تاجیکستان گفت طالبان باید حقوق همه مردم بهویژه تاجیکهای افغانستان را تضمین کند. سرگئی لاوروف در یک سخنرانی در دانشگاهی در شهر دوشنبه گفت تا زمانی که طالبان به تعهدات خود عمل نکند، نمیتوان درباره رسمیت آنها صحبت کرد.
سرگیی لاوروف با تاکید بر تشکیل حکومت فراگیر و تشدید اقدامات برای مبارزه با تروریسم و قاچاق مواد مخدر در افغانستان افزود: «ما در تماسهایمان با نمایندگان طالبان، آنها را تشویق میکنیم تا به تعهدات خود عمل کنند.»
وزیر خارجه روسیه در این سفر دوروزه به شهر دوشنبه، با امامعلی رحمان، رئیسجمهور و سراجالدین مهرالدین، وزیر خارجه تاجیکستان دیدار و گفتوگو کرد.
او روز دوشنبه با نظامیان روسیه، که در پایگاه ۲۰۱ این کشور در خاک تاجیکستان مستقر هستند، هم دیدار کرد. آقای لاوروف در بازدید خود از این پایگاه، امریکا را متهم کرد که از القاعده و داعش در افغانستان حمایت میکند.
آقای لاوروف روز سهشنبه در سخنرانی خود در دانشگاه اسلاوی تاجیکستان و روسیه در شهر دوشنبه گفت که تمرینات نظامی نیروهای هر دو کشور به طور منظم در تاجیکستان برگزار میشود و اقداماتی برای تقویت حفاظت از مرزهای جنوبی تاجیکستان در حال انجام است.
سرگیی لاوروف گفت که مرزهای تاجیکستان از طرف افغانستان پیوسته تهدید میشود. او افزود که روز سهشنبه (۱۶ جوزا) در این مورد با امامعلی رحمان، رئیسجمهور تاجیکستان صحبت کرده است.
آقای رحمان روز جمعه (۱۲ جوزا) در دومین نشست سران آسیای میانه و اتحادیه اروپا گفته بود که ولایات شمالی افغانستان به محل پرورش تروریسم بینالمللی تبدیل شده است.
رئیس دستگاه دیپلوماسی روسیه گفته مسکو و دوشنبه در مورد افغانستان دیدگاه یکسانی دارند.
در همین حال، آقای لاوروف «گفتوگوی کاری» با طالبان برای تحقق تعهداتشان و آشتی ملی در افغانستان را لازم دانست.
