منابع به افغانستان اینترنشنال گفتهاند که چرخبالهای ارتش حکومت پیشین که به اوزبیکستان انتقال یافته بودند، در روزهای آینده دوباره به کابل بازگردانده خواهند شد. به گفته این منابع، شمار این چرخبالها ۵۷ فروند است.
پس از سقوط نظام جمهوری اسلامی افغانستان در اسد ۱۴۰۰، تعدادی از هواپیماهای ارتش حکومت پیشین به اوزبیکستان و تاجیکستان منتقل شدند.
این هلیکوپترها را خلبانهای ارتش پیشین افغانستان به این کشورها منتقل کردند.
وزارت دفاع امریکا پیشتر گفته بود که ۴۶ فروند هواپیما به اوزبیکستان و ۱۸ فروند دیگر به تاجیکستان پرواز کردند.
این هواپیماها شامل چرخبالهای Mi-17 UH-60 و همچنین PC-12 ،C-208 ،AC-208 و A-29 هواپیماهای بال ثابت هستند.
طالبان بارها از اوزبیکستان و تاجیکستان خواسته بود این چرخبالها را به این گروه تحویل دهند اما این دو کشور بهطور رسمی در باره درخواست طالبان اظهار نظر نکردند.
سفیر امریکا در اوزبیکستان اعلام کرده بود که بنا به یک توافق جدید، ۴۶ هواپیما و چرخبال ارتش سابق افغانستان در اختیار حکومت اوزبیکستان باقی میماند.
سفارت امریکا برای افغانستان از تاجیکستان نیز بخاطر تسلیم ندادن هواپیماهای ارتش حکومت پیشین افغانستان به طالبان قدردانی کرده بود.
اشرفغنی، رئیسجمهور پیشین افغانستان، به همراه جمعی از همکارانش نیز با استفاده از سه چرخبال نظامی به اوزبیکستان فرار کرد و سپس به امارات متحده عربی رفت.
به گفته یکی از فرماندهان نیروهای امنیتی پیشین، امریکا نیروی هوایی حکومت پیشین افغانستان را با ۲۲۹ فروند هلیکوپتر نظامی و ترانسپورتی مجهز کرده بود.
