پاکستاني طالبان: په خېبر پښتونخوا کې مو د دوو امنيتي پوستو په نيولو سره شپږ سرتېري وژلي دي

هغه له نیا دور سره مرکه کې وايي، په افغانستان کې د طالبانو واکمنېدو پسې د ټي ټي پي هغه پاکستاني وسلوال هم بېرته له دې ډلې سره یو موټی شول چې د افغان طالبانو په ملاتړ د بهرنیو ځواکونو پرضد جنګېدل.

د هغه په خبره، همدا وجه ده چې په پاکستان په تېره پښتونخوا کې ترهګریز بریدونه ډېر شوي دي.

د ترهګرۍ ضد ادارې دغه پاکستانی چارواکی وايي، دا مهال په پاکستان کې نږدې دوه نیم زره وسلوالو ته د بریدونو امر شوی او په دوی کې پر پاکستانیانو سربېره ډېر شمېر افغان هم دي.

سهیل خالد زیاتوي چې روان میلادي کال په تېرو اتو میاشتو کې په پاکستان کې ډېری ځانمرګي بریدونه افغانانو کړي او په اړه یې کره او تایید شوي مالومات لري.

پاکستان کې سږ کال تراوسه نږدې ۱۸ ځانمرګي بریدونه شوي چې تر تېر کال ډېر دي او دا ډېری بریدونه پښتونخوا کې شوي دي.

ښاغلی خالد وايي، د پاکستان تحریک طالبان پاکستان خپل جوړښت د افغان طالبانو په څېر کړی دی، پاکستان یې پر مختلفو ولایتونو وېشلی دی او اوس هزاره ډیویژن ته هم نفوذ کړی دی.

نوموړی وايي، د طالبانو په واکمنېدو سره د پاکستان تحریک طالبان ازادانه افغانسان کې ګرځي، خو د پخواني ولسمشر اشرف غني په وخت کې دومره ازاد تګ راتګ نشو کولی.

د نوموړي په خبره، اوس پر دې وسلوالو کوم بندیز نشته ځکه بې غمه له ډیورنډ کرښې اوړي او په پاکستان کې بریدونه کوي، ځکه پاکستان کې ترهګریزې پېښې هم زیاتې شوې دي.

طالبان بیا بیا په افغانستان کې د پاکستاني طالبانو شتون او د دغه هېواد په نارامۍ کې د افغانانو ښکېلتیا ردوي.

خو دې وروستیو کې د طالبانو مختلفو چارواکو له خپلو وسلوالو وغوښتل چې بهر ته د جګړې لپاره لاړ نه شي.

دغو سرچینو افغانستان انټرنشنل ته وویل، «دا وسلوال د کرښې له هغې غاړې راغلي وو او هڅه یې کوله، پر ډیورنډ کرښه د تار پرې کولو سره وزیرستان ته ننوځي.»

سرچینې وايي، «ټپي شوي کسان بېرته د افغانستان لور ته وروړل شوي دي.»

د سرچينو د معلوماتو له مخې وژل شوي کسان د ټي‌ټي‌پي خالد خراسان ډلې غړي دي.

سرچینو د پېښې د کره ځای په هکله مالومات نه دي ور کړي.

تر اوسه پاکستاني طالبانو په دې هکله څه نه دي ویلي.

د طالبانو د کډوالو او بېرته راستنېدونکو چارو وزارت پر خپلې اېکس (ټویټر) پاڼې لیکلي، چې یادو کسانو د پاکستان په زندانونو کې له درېیو میاشتو زیات بند تېر کړی و، چې تېره ورځ د تورخم له لارې بېرته افغانستان ته راستانه شول.

یاد وزارت زیاتوي، چې له پاکستاني بنده را ازاد شویو افغانانو سره د کډوالۍ نړۍوال سازمان مرسته وکړه او خپلو سیمو ته یې استولي دي.

په راخوشې شویو کسانو کې یې د ځینو عمرونه له اتلسو کلونو کم و.

راپورونه وايي، چې لا هم د پاکستان په یو شمېر زندانونو کې افغان کډوال بندیان دي، د معلوماتو په اساس د ګڼ شمېر زندانیانو د نیولو لامل نه دی په ډاګه شوی.

پرویز الهي چې د پاکستان تحریک انصاف ګوند له مخکښو غړو څخه دی او د عمران خان د حکومت پر مهال د پنجاب صوبې مشر وزیر و، د روان کال په جون میاشت کې د فساد په تور په لاهور کې نیول شوی و.

هغه وخت پولیسو اعلان وکړ، چې نوموړی د فساد په یوې قضیې کې ښکېل دی.

پرویز الهي له نیول کېدو وروسته رسنیو ته ویلي وو، چې حکومت یې پر وړاندې یوه سیاسي دسیسه جوړه کړې او کوښښ کوي چې نوموړی زنداني شي.

اوس د اسلام اباد محکمې حکم کړی، چې پولیس به چودري پرویز په بلې کومې قضیې کې نه نیسي او سر له نن نېټې څخه نوموړی ازاد دی.

خو "ده نیوز" خبري اژانس د هغه د وکیل په حواله ویلي، چې د پرویز الهي د خوشې کېدو له حکم وروسته هم پولیسو نوموړی یو ځل بیا نیولی دی.

د یادونې وړ ده، چې اوسمهال د تحریک انصاف ګوند د مشر عمران خان په شمول د هغه د کابینې ګڼ وزیران زندانیان او یا هم تر تعقیب لاندې دي.

دغه کمېسیون په خپل راپور کې زیاتوي، چې تر اوسه ۶۷ لادرکه کسان خپلو کورونو ته ستانه شوي او ۷۸ پاتې بې درکه شويو کسانو پسې پلټنې روانې دي، چې د ځینو ځایونه په نښه شوي دي.

د ورکو شویو کسانو د موندنې دغه کمېسیون ویلي، چې تر اوسه ورسره ۹۹۶۷ د لا درکۍ پېښې ثبت شوي دي او دوی هڅه کوي چې ټولو پېښو ته رسیده ګي وکړي.

تېره میاشت د جیونیوز د راپور له مخې؛ په ټول پاکستان کې د روان کال په لومړیو شپږو میاشتو کې د جبري ورکو شویو شمېره ۵۹۱ ښودلې وه.

د ورکو شویو کسانو د موندنو کمېسیون زیاتوي، چې د روان کال په جنوري میاشت کې ۹۱، فیبروري کې ۹۹، اپریل کې ۹۱، می میاشت کې ۸۲ او جون میاشت کې ۲۹ د ورکو شویو کسانو قضیې ورسره ثبت شوي دي.

په پاکستان کې د جبري ورکو شویو قضیو لوړه برخه په بلوچستان او خېبر پښتونخوا کې ثبت شوي دي.

تېره میاشت هم په بلوچستان کې یو شمېر بلوچانو لاریون کړی و او د پاکستان پر پوځ او استخباراتي ادارو یې نیوکه کړې وه، چې ګڼ شمېر بلوچ ځوان سیاستوال یې په جبري ډول ورک کړي دي.