پاکستان په چترال کې د پاکستاني طالبانو د برید له امله د افغان طالبانو سفیر احضار کړ

طالبانو ته نژدې رسنۍ المرصاد نن جعمه- د سنبلې ۱۷ مه - د طالبانو د امنیتي سرچینو له قوله په خپل راپور کې زیاتوي چې له دې کسانو سره یې پر سپکو او درنو وسلو سربېره کمپیوټرونه او او نور تخنیکي وسایل هم نیولي دي.

که څه هم په دغه راپور کې د دې عملیاتو کره ځای او وخت ته اشاره نه ده شوې، خو وايي چې دغو عملیاتو څلور ورځې دوام درلود.

په دې راپور کې ادعا شوې ده چې واک ته د طالبانو له رسېدو راهیسې د داعش اړوند دغو وسلوالو د بدخشان په بریدونو کې لاس درلود او په خپلو کړنو یې اعتراف کړی دی.

د دې راپور په یوه برخه کې راغلي، نیول شوي کسان د داعش-خراسان څانګې عملیاتي ډله وه، چې په بدخشان کې یې فعالیت درلود.

څو میاشتې وړاندې د بدخستان په مرکز فیض اباد کې داعش-خراسان څانګې د بدخشان لپاره د طالبانو والي نثار احمد احمدي په یو برید کې ځای پر ځای وواژه.

داعش-خراسان څانګې د نثار احمد احمدي د فاتحې مراسمو پرمهال په جومات کې ځانمرګی برید وکړ، چې د عامو کسانو ترڅنګ د طالبانو څو تنه مهم غړي پکې ووژل شول.

داعش ضد رسنۍ المرصاد د طالبانو بیا واکمنېدو سره فعاله شوې او د داعش اړوند راپورونه او د دغه ډلې پر ضد تبلغات کوي.

طالب چارواکو باختر ته ویلي، په پنځو کلونو کې به د دې کرومایټ ډبرو او اوسپنې له پلور څخه شاوخوا یو میلیار او ۳۵۹ میلیونه افغانۍ عواید ترلاسه شي او څه باندې پنځوسو کسانو ته به د کار زمینه برابره شي.

طالبانو واک ته رسیدلو سره زیاته پاملرنه د افغانستان کانونو اېستلو ته کړې ده او ادعا کوي چې له دې لارې غواړي افغانستان له اقتصادي پلوه په ځان بسیا کړي خو بیا ځیني سیاسي مخالفین د طالبانو په لاس د کانونو دا استخراج چور او تالان ګڼي.

ډیری په دې باور دي چې د کانونو استخراج د پخواني افغان حکومت او د هغوی له متحدینو سره د دغې ډلې د جګړې پر مهال د طالبانو د عوایدو یوه لویه برخه وه.

طالبانو په دې وروستیو کې له کورنیو او بهرنیو شرکتونو سره د افغانستان د اوو سترو کانونو د استخراج تړونونه لاسلیک کړل.

طالبان وايي، دې لیدنه کې د دوی د سفارت چارسمبالي سید محی الدین سادات د چین د بهرنیو چارو وزارت د سرحدونو او سمندرونو چارو له رییس وانګ ټینشیان او د کونسلي چارو د ریاست له معاون وو ډیمین سره جلا جلا ولیدل‌.

طالبان وايي له چینايي چارواکو سره یې د افغانستان او چین ترمنځ د واخان دهلیز پر پرانیستو سربېره له دې لارې افغانستان ته د نوري فایبر مزي په غځولو هم لومړنۍ خبرې وکړې.

چین د بدخشان په واخان کې له افغانستان سره نږدې ۹۰ کیلومتره ګډه پولي لري.

پر طالبانو سربېره په جمهوریت کې هم افغان چارواکو له چین تمه لرله چې له دې لارې له افغانستان سره سوداګري پیل کړي.

خو چین تراوسه د منځنۍ اسیا له لارې افغانستان سره راکړه ور کړه لري.

دې وروستیو کې د چینايي مالونو یوه جوپه د پاکستان له لارې هم افغانستان ته ورسېده.

په پام کې ده چې د ملګرو ملتونو د باورلیک کمېټه په نږدې راتلونکي کې په دغه سازمان کې د افغانستان د څوکۍ د برخلیک په اړه غونډه وکړي.

دغې کمېټې تر دې مخکې طالبانو ته د دې څوکۍ له سپارلو ډډه کړې ده.

دا مهال د افغانستان د پخواني حکومت استازی نصیر احمد فایق په ملګرو ملتونو کې د افغانستان استازیتوب کوي.

سهیل شاهین د طالبانو تر مدیریت لاندې د افغانستان ملي راډیو ټلوېزیون سره په مرکه کې ویلي، چې د بېلابېلو هېوادونو له استازو سره یې لیدلي او طالبان هڅه کوي له نړیوالې ټولنې سره ښې اړیکې ولري.

په قطر کې د طالبانو د سیاسي دفتر مشر د کوم ځانګړي هېواد نوم نه دی اخیستی، خو زیاته کړې یې ده، چې د ډېرو اروپايي، عربي او اسیايي هېوادونو له چارواکو سره یې کتلي دي.

هغه چې په ملګرو ملتونو کې د افغانستان څوکۍ ته د طالبانو نوماند دی ویلي، چې د دې هېوادونو له استازو سره په لیدنه کې پر « هغو مهمو مسلو خبرې کړې» چې دا ډله ور سره مخ ده.

سهل شاهین د دغو خبرو جزئیات ورنه کړل، خو نړیوالې ټولنې په وار وار له طالبانو غوښتي چې یو ټول شموله حکومت جوړ کړي او پر ښځو او نجونو بندیزونه لرې کړي.

تر اوسه کوم هېواد طالبان په رسمیت نه دي پیژندلي.

سراج الدین حقاني پرون مرکزي ولایت بامیان کې یوې غونډې ته وویل: «د استاد محقق صیب او کریم خلیلي صیب په څېر مشران چې په بهر کې دي موږ دا ورته وایو چې دا ښه کار نه دی، تاسو خپل قوم او ملت لرئ، راشئ د یوه مشر په څېر په خپل هېواد کې ژوند وکړئ.»

د نوموړي په خبره، په افغانستان کې نور هزاره مشران له درنښت ډک ژوند لري او کریم خلیلي او محمد محقق به هم خپل هېواد ته په ستنېدو سره نور محترم شي.

حقاني زیاته کړه چې دا کسان به افغانسان ته د ستنېدو په صورت کې خپل قوم ته د سولې پیغام ور کړي او په افغانستان کې به یووالی ټینګ کړي.

خو د ښاغلي حقاني په ځواب کې د وحدت ګوند مشر محمد محقق وايي، په دې ساده بلنو افغانستان ته نشي ستنېدلی.

نوموړی له افغانستان انټرنشنل سره په خبرو کې د سراج الدین حقاني بلنه کوم نوی وړاندیز ونه باله او زیاته یې کړه، چې دا بلنې د افغانستان ستونزې حلولی نه شي.

د طالبانو د کورنیو چارو وزیر په داسې حال له دې دوو سیاسي مشرانو افغانستان ته د ستنېدو هیله لري چې ویل کېږي دې ډلې پر پخواني ولسمشر حامد کرزي له بهرنیو چارواکو یا خلکو سره د لیدنو په برخه کې نوي قیودات لګولي دی.