د ښځو د حقونو دوو فعالانو افغانستان انټرنشنل ته یوه ویډیو لیږلې او اعلان یې وکړ، چې دوی په افغانستان کې د جنسیتي توپیر د رسمیت پېژندلو لپاره د ناروې د پارلمان مخې ته د نه خوړو اعتصاب کړی.
هُدا خموش او مینه رفیق وايي، دوی د پنجشنبې په ورځ د نه خوړو اعتصاب پیل کړ.
د ښځو د حقونو دغو دوو فعالانو زیاته کړه، چې دوی د ناروې له پولیسو اجازه ترلاسه کړې چې د ۲۰۲۳ کال د سېپټمبر تر دولسمې د ناروې د پارلمان مخې ته پرلت ووهي او مدني اعتراض وکړي.
دوی ویلي، چې دغه حرکت د جرمني په کولن ښار کې د ښځو د حقونو د فعالانو د غوښتنو د ملاتړ په موخه یې پیل کړی دی.
اوه ورځې وړاندې تمنا زریاب پریاني او د افغانستان او ایران د بشري حقونو یو شمېر نورو فعالانو په افغانستان کې د جنسیتي توپیر د په رسمیت پېژندلو په موخه د نه خوړو اعتصاب وکړ.
طالبانو ته د مالي مرستو بندېدل او په افغانستان کې د سیاسي بندیانو خوشې کېدل د دوی له نورو غوښتنو څخه دي.
دغه مدني حرکت په افغانستان او بهر کې د بشري حقونو د فعالانو، هنرمندانو او د مدني ټولنې د غړیو د خواخوږۍ او ملګرتيا له پراخې څپې سره مخ شو.
درې ورځې وړاندې له کابله معصومې ایوبي او له اسلام اباده صابرې اکبري اعلان وکړ، چې په کولن ښار کې به د ښځو د حقونو له فعالانو سره یوځای د نه خوړو اعتصاب وکړي.
په اسلام اباد کې د ښځو د حقونو یوې افغانې فعالې صابرې اکبري د پنجشنبې په ورځ افغانستان انټرنشنل ته وویل، چې له تېرو دوو ورځو راهیسې په پاکستان کې د ښځو د حقونو لږ تر لږه لسو افغان فعالانو د نه خوړو اعتصاب کړی دی.
مېرمن اکبري زياته کړه، دغو لسو مېرمنو غوښتل چې د اسلام اباد په ښار کې د اعتراض خېمه ودروي؛ خو د دغه ښار پوليسو ورته د خېمې لګولو اجازه ور نکړه.
د «فريډم ناو» په نامه د بشري حقونو يوه سازمان د چهارشنبې په ورځ د افغان ښځينه فعالانو د نه خوړو اعتصاب ته په اشارې وويل، چې طالبانو په تېرو دوو کلونو کې ۶۴ داسې قوانين وضع کړي چې له مخې يې ښځې له عامه ډګر څخه بې برخې شوې دي.
دغه سازمان ویلي، چې له هغو افغان ښځو سره چې په زړورتیا سره مبارزه کوي ولاړ دي.
فریډم ناو له نړۍوالې ټولنې وغوښتل، چې په افغانستان کې د بشري حقونو د ناورین په غبرګون کې سمدستي لاس په کار شي.
د ملګرو ملتونو چارواکو، د جرمني او ناروې پارلمان او هغه بنسټونه چې د افغانستان د معترضو مرمنو د پیغام اصلي مخاطبین دي، چې تر اوسه یې د دوی غوښتنو ته ځواب نه دی ویلی.
د خالد شیح محمد په ګډون چې د سپټمبر یوولسمې بریدونو په پلانولو تورن دی دا پنځه کسان پر ۲۰۰۶ کال په کیوبا کې ګونتنامو جېل ته لېږدول شوي، خو تراوسه یې دوسیه ځنډېدلې او د محاکمې لپاره یې کوم وخت نه دی ټاکل شوی.
د نیویارک ټایمز د راپور له مخې، په دې غوښتنو کې له فردي سلولونو د دوی اېستل او د هغو روغتیايي ستونزو درملول دي چې د تورنو کسانو په وینا د سي ای اې د پلټنو پر مهال ورته پیدا شوې دي.
دې تورنو کسانو له څارنوالانو سره خبرو کې د انصاف غوښتلو خبرې اترې په نوم ځینې نورې غوښتنې هم کړې وې چې د ګډ سیاست اصولو په نوم مشهورې دي، خو جو بایډن رد کړې.
د یوه بندي وکیل اې بي سي نیوز ته ویلي چې د ګډ سیاست اصولو پوره نوملړ نشي شریکولی چې د بایډن ادارې رد کړی دی، خو زیاته یې کړه، دا لېسټ د شکنجې په ګډون د اوږدمهالي بند د شرایطو پر ښه والي چورلي.
د امریکا د ملي امنیت شورا ویاند وایي، «د سپټمبر یوولسمې پېښه تر پیرل هاربر وروسته د امریکا په تاریخ کې تر ټولو بده پېښه وه.»
نوموړي د چارشنبې په ورځ اې بي سي تلوېزون ته ویلي: ولسمشر په دې باور دی چې د ګډې تګلارې د اصولو منل په دې شرایطو کې مناسب نه دي.
حکومت د دې ډاډ ترلاسولو ته ژمن دی چې نظامی کمیسونونه عادلانه دي او له قربانیانو، وارثانو، کورنیو او په جنایت تورنو کسانو سره عدالت کېږي.
د ۲۰۰۱ کال د سپټمبر پر ۱۱ دوه الوتک تښتوونکو په نیویارک کې د نړیوال سوداګریز مرکز له برجونو سره د الوتکو په جنګولو تر درې زرو کسان ووژل.
امریکا په افغانستان کې د اسامه بن لادن په مشرۍ القاعده په دې بریدونو تورنه کړه او د همغه کال د اکټوبر پر ۷ یې د طالبانو د حکومت پرضد هوايي بریدونه پیل او وروسته یې دا ډله وپرځوله.
واشنګټن د ۲۰۱۱ کال په مۍ کې اسامه بن لادن د پاکستان په ایبټ اباد کې د پوځ یوې اډې ته په پنځه سوه مترۍ کې وواژه، خو لا یې هم په افغانستان کې جګړه روانه وساتله.
واشنګټن د ۲۰۲۰ کال د فبرورۍ په وروستۍ نېټه له طالبانو سره د دوحې تړون لاسلیک کړ، چې له مخې یې د ۲۰۲۱ کال د اګسټ تر ۳۰ ټول پوځ له افغانستان وباسه او طالبان بېرته واکمن شول.