امریکايي خبریال: کلېنټن د افغان مېرمنو د ژغورلو لپاره د اوکراین له ولسمشر مرسته غوښتې وه

د قزاقستان رسمي خبري اژانس کاز اینفارم په خپل راپور کې وایي، د دغه هېواد د ملي امنیت کمېټې مرستیال د پنجشنبې په ورځ په استانه کې د شانګهای همکارۍ سازمان څلوېښتمه غونډه کې دا خبرې وکړې.

د ښاغلي سیسمبایف په خبره، ځینې داسې عوامل شته چې د شانګهای تړون غړو هېوادونو ته د ترهګریز ګواښ پېښدو سبب کېږي او یو هم په افغانستان کې «د ترهګریزې وړتیا خوندیتوب» دی.

دغه استخباراتي چارواکي طالبان تورن کړل چې واک ته تر رسېدو وروسته د اغېزناک حکومتي نظام په جوړولو او امنیت خوندي کولو کې پاتې راغلل.

هغه ټینګار وکړ چې افغانستان لا هم «د نړیوالو ترهګریزو ډلو» د جذب مرکز دی.

د داعش خراسان څانګې تېرو دوو کلونو کې په بریدونو سره د طالبانو دا ادعا ننګولې چې په ټول افغانستان کې یې امنیت راوستلی دی.

داعش په تېرو میاشتو کې د بلخ او بدخشان لپاره د طالبانو والیان هم وژلي دي.

داعش په کابل کې د پاکستان او روسیې سفارت او هم یې په یوه هوټل کې چینايي وګړي په نښه کړل.

دا ډله پر مختلفو ژبو تبلیغ کولو سره توندلاري منځنۍ اسیا، روسیې، اروپا او امریکا کې جګړې ته هڅوي.

روسلان سیسمبایف هم په خپله وینا کې له افغانستان د شانګهای تړون غړو هېوادونو ته د ترهګریز ګواښ پر شونې پراختیا اندېښنه وښوده.

د قزاقستان د ملي امنیت کمېټې مرستیال زیاته کړه، چې پر داعش سربېره په افغانستان کې د القاعده د غړو شمېر هم پنځو سوو ته رسېږي.

د هغه په خبره، القاعده او داعش له افغانستان پېچلي بریدونه پلانولی شي او اوسنی حالت د شانګهای تړون سترو پروژو ته ریښتونی ګواښ پېښوي.

خو دې وروستیو کې د امریکا دوو مهمو استخباراتي چارواکو وویل، ګرانه ده چې په افغانستان او پاکستان کې القاعده بیا را پورته شي.

دغو چارواکو سي اېن اېن ته ویلي، د طالبانو ترهګرۍ ضد عملیاتو په افغانستان کې د داعش حضور کم کړی دی.

طالبان هم بیا بیا وايي، په افغانستان کې یې د داعش زور اوبه کړی دی.

طالبانو ته نږدې المرصاد رسنۍ هم پرون په یوه راپور کې د دې ډلې د امنیتي چارواکو په حواله ویلي چې په بدخشان کې یې د داعش ۱۲ کسیزه عملیاتي ډله نیولې ده.

د دوی په خبره، دې ډلې د بدخشان په بریدونو کې لاس درلود او پر خپلو چارو یې اعتراف کړی دی.

دغه سفارت لیکي، چې دغه کتنه کې د تورخم دروازې د بندېدو له امله د مساپرو، ناروغانواو سوداګرو د ستونزو په اړه ‏ ‏تفصیلي خبرې وشوې.

په اسلام اباد کې د طالبانو تر کنټرول لاندې افغان سفارت د ښاغلي شکیب له خولې لیکلي، «د دروازې بندېدل د دواړو هېوادونو په زیان دی.»
ښاغلي شکیب ویلي:« د پاکستان حکومت باید ژر تر ژره دغه دروازه پرانیزي، چې هلته بند مساپر او سوداګر ډېر په ستونزمن حالت کې دي.»

‏د دغه سفارت په وینا، د افغانستان لپاره د پاکستان ځانګړي استازي اصف دراني هم ویلي، چې د دروازې ت ړلوسره دواړو غاړو ته ولسي خلک زیان ویني.
د سفارت په خبره نوموړي زیاته کړې، چې د خپل هېواد له اړونده بنسټونو سره به په دې اړه خبرې وکړي.
‏سفارت لیکلي و، چې ښاغلي دراني هیله څرګنده کړې څومره ژر چې شونې وي د تورخم دروازه به د عام تګ راتګ او سوداګرو پرمخ خلاصه شي.

دغه سفارت دا ځرګندونې وروسته له هغې کړې، چې تېره شپه داسې راپورونه خپاره شول، چې پاکستان په چترال کې د پاکستاني طالبانو د برید له امله په اسلام اباد کې د افغان طالبانو سفیر احضار کړ.

که څه هم تېره ورځ د طالبانو ویاند ذبیح الله مجاهد دغه څرګندونې ردې کړې وې؛ خو د پاکستان د بهرنیو چارو وزارت وايي، په اسلام اباد کې یې د طالبانو سفیر احضار کړی چې پر دغه برید او دغه راز د تورخم پر پوله د جګړې په اړه د پاکستان "سخت اعتراض" ورته څرګند کړي.
خو دغه سفارت د چترال په اړه د طالبانو د سفیر احضارېدو په تړاو څه نه دي ویلي.

عباس ستانکزي زیاته کړه، چې دغو هېوادونو په افغانستان کې هر ډول وسلې وکارولې، اوس پر دوی «واجب» دي، چې د دغه هېواد په بیارغونه کې ونډه واخلي.

ښاغلي ستانکزي په افغانستان کې د کام ایر شرکت د جوړېدو د شلمې کلیزې په مناسبت مراسمو کې وویل، چې د دوحې د تړون له مخې هغه هېوادونه چې په افغانستان کې یې ځواکونه لرل«مکلف» دي، چې دغه هېواد ته ستانه او د افغانستان په بیارغونه کې برخه واخلي.

د هغه راپور له مخې چې د طالبانو تر کنټرول لاندې ملي راډیو ټلویزیون د جمعې په ورځ (د وږي ۱۷مه) خپور کړ، د طالبانو د بهرنیو چارو وزارت سیاسي مرستیال وویل، دغې ډلې د بهرنیو ځواکونو د خوندي وتلو مسوولیت په «ښه ډول» ترسره کړ او اوس دا د لوېديځ مسووليت دی چې په افغانستان کې د بنسټونو د بيا جوړولو په اړه خپله ژمنه پوره کړي.

عباس ستانکزی په دوحه کې له امریکا سره د طالبانو د سولې په خبرو کې د طالبانو مرکچي و.

د ۱۴۰۰ لمریز کال د اسد په میاشت کې کابل ته د طالبانو تر ننوتلو څو میاشتې وروسته ښاغلي ستانکزي وویل،دی هیله لري چې په کابل کې د امریکا سفارت بیرته پرانستل شي.

دغه لوړپوړي طالب چارواکي په کابل کې د ١٤٠٠ لمریز کال په قوس میاشت کې وويل، چې امریکا ژمنه کړې وه، چې د دوحې تړون له مخې له وتلو وروسته به خپل سفارت په کابل کې پرانیستی ساتي.

ده په هغه وخت کې زیاته کړې وه: «دا د نړۍ او په ځانګړې توګه د امریکا دنده ده، چې د افغانستان په بیارغونه کې فعاله وڼډه واخلي. لکه څنګه چې دوی په تېرو شلو کلونو کې زموږ اقتصاد ویجاړ کړ، اوس دا د دوی دنده ده چې بیرته راشي او د دې هېواد د اقتصاد په بیارغونه کې فعاله ونډه واخلي».

په همدې کال کې عباس ستانکزي ویلي و، چې کله امریکا افغانستان ته راستنه شي، اروپا به هم په کابل کې خپل سفارتونه پرانیځي.

خو د طالبانو له دوه کلنو پرله پسې غوښتنو وروسته د نړۍ هېڅ حکومت د افغانستان د حکومت په توګه د طالبانو رژیم په رسمیت نه دی پېژندلی.

اروپايي ټولنې افغانستان ته د بشري مرستو د رسولو لپاره خپل استازي لېږلي، خو په افغانستان کې د اروپايي هېوادونو او امريکا سفارتونه تړلي دي.

دغه سلګون نوټ په سویلي افریقا کې د روسیې په سفارت کې د بریکس په ډله کې د متحده عربي اماراتو د غړیتوب په مناسبت مېلمستیا کې ډالۍ شو.

د دغه بانک نوټ په مرکزي برخه کې د دغې ډلې د پنځو غړو هېوادونو -برازيل، چين، هند، روسيې او سویلي افريقا- بيرغونه په دایروي شکل درج شوي دي.

د دغه ډالۍ شوي بانک نوټ شاته د افغانستان د درې رنګه بیرغ په ګډون د ۱۴ هېوادونو بیرغونه هم درج شوي دي.

د دې بانک نوټ په مرکزي برخه کې چې د هر هېواد نوم په خپلو ملي ژبو لیکل شوی، د افغانستان نوم هم په پښتو ژبه «د افغانستان اسلامي امارت» لیکل شوی دی.

طالب چارواکي خپل حکومت «د افغانستان اسلامي امارت» بولي.

په سویلي افریقا کې د روسیې سفیر ایلیا روګاچف ویلي، چې دا بانکنوټ د روسیې له خوا جوړ شوی دی.

حسام البهادلي دغه تلویزیون ته وویل، د بشري حقونو د دغو فعالانو له نظره «دا دعوا رښتینې ده او د وخت په تېرېدو پورې اړه نه لري».

دغه عراقي خبریال په تلویزیوني خپرونه کې وویل، د عراق د بشري حقونو فعالان په پام کې لري چې د عراق په یو شمېر محکمو کې د یزید پرضد شکایت وکړي او د هغه یو شمېر ستر جرمونه چې د هغو له جملې د امام حسین، د هغه د کورنۍ او ملګرو وژل په محکمو کې تعقیب کړي.

حسین بن علي د شیعه ګانو دریم امام دی چې د اسلامي روایتونو له مخې په ۶۱ هجري کال کې د یزید بن معاویه له لښکر سره په مقابله کې له خپلې کورنۍ او ملګرو سره په کربلا کې ووژل شو.

ښاغلي البهادلي ای نیوز شبکې ته ویلي، چې د یزید پر ضد د قصدي قتل، تخریب او غلا په ګډون تورونه د عامه او شخصي قانون په برخه کې د څېړلو وړ دي.

د عاشورا د ورځې په مناسبت هر کال په نړۍ او په ځانګړې توګه په عراق، ایران، افغانستان، پاکستان او ګڼو اسلامي هېوادونو کې په میلیونونو ماتمچیان ماتم کوي.