نانسي پلوسي اعلان وکړ، چې په راتلونکو ټاکنو کې به د دغې جرګې د غړیتوب د ترلاسه کولو په موخه نومانده شي. نوموړې چې د امریکا د استازېو جرګې د مشرې په توګه لومړنۍ ښځه او لومړنۍ ایټالیایوي الاصله مېرمن ده، د جمعې په ورځ یې خپله پرېکړه څرګنده کړه.
مېرمن پلوسي تېر کال د استازیو جرګې له مشرۍ او په کانګرس کې د ډیموکراټ ګوند له رهبرۍ څخه استعفاء وکړه او له هغې وروسته د نوموړې د سیاسي برخلیک په اړه ګنګوسې څو میاشتو دوام وکړ.
نوموړې د امریکا د پخواني ولسمشر جورج ډبلیو بوش د ولسمشرۍ پر مهال عراق ته د امریکايي ځواکونو له استولو سره مخالفت وکړ او د ډونالډ ټرمپ د ولسمشرۍ پر مهال یې بیا د امریکا پر پولو د اغزن تار لګولو په ګډون په ځينو نورو برخو کې یې یو شمېر تګلارې وننګولې.
مېرمن پلوسي په لومړي ځل په ۱۳۸۶ کال کې د استازېو جرګې ریاست ته ورسیده او بیا ځلې په ۱۳۹۸ کال کې په همدغه دریځ کې وټاکل شوه.
نوموړې له ۱۳۶۶ کال راهیسې د امریکا د استازېو جرګې غړې ده.
د امریکا د استازېو جرګې د کالیفورنیا ۸۳ کلنې استازې د جمعې په ورځ یوې غونډې ته د وینا پرمهال وویل،« د سان فرانسیسکو د ارزښتونو په رڼا کې چې موږ تل په وده کولو یې ویاړو ما پرېکړه کړې، چې یو ځل بیا ټاکنو کې برخه واخلم.»
