ملګرو ملتونو کې د هند استازی: په افغانستان کې د بشري حقونو بدلونونه څارو

AP ۱۴۰۲ وږی ۲۲

د هند استازي اېنډرا ماڼي پانډې د ملګرو ملتونو د بشري حقونو په شورا کې وویل، چې هېواد یې په افغانستان کې د بشري حقونو له سرغړونو خپلې څارنې ته دوام ورکوي.

هغه همدارنګه د افغان ښځو او نجونو د حقونو د خوندیتوب او په تېرو شلو کلونو کې د افغانستان په لاسته راوړنو او پراختیا کې د مېرمنو د مانادارې ونډې غوښتونکی شو.
د ملګرو ملتونو د بشري حقونو په شورا کې د هند استازي زیاته کړه، چې هېواد یې له افغانستان سره دمګړۍ ۵۰ زره ټنه غنم، له طبیعي پېښو څخه اغېزمن شویو خلکو سره ۲۸ زره ټنه غنم، او دوه سوه ټنه درمل، د واکسین او نورو روغتیایي توکو مرسته کړې ده.
ښاغلي پاڼډې همدارنګه ویلي، چې هند د ملګرو ملتونو سره په همکارۍ ۱۱۰۰ کڅوړې روغتیایي توکي د ښځو د پیاوړتیا مرکز سره یې مرسته کړې.
د ملګرو ملتونو د بشري حقونو سازمان د دوشنبې په ورځ د (وږي په ۲۰مه) خپله ۵۴مه ناسته وکړه. د دغې ناستې ټولې ویناوې افغانستان ته ځانګړې شوې وې.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ