د پاکستان د ټاکنو کمېسون: داسې ښکارې چې سرپرست حکومت د عمران خان د دوښمنانو ملاتړ کوي

پاکستاني رسنیو د افغانستان او پاکستان د سوداګرۍ د ګډې خونې د مشر له خولې لیکلي، چې په دې موده کې د دواړو خواوو سوداګرو ته هره ورځ پنځه میلیونه ډالره زیان اوښتی دی.

د تورخم پوله د چهارشنبې په ورځ (د وږي په ۱۵مه) د وسله والو طالبانو او پاکستاني پوله ساتو ځواکونو تر منځ له نښتې وروسته وتړل شوه.

د طالبانو د بهرنیو چارو وزارت د شنبې په ورځ (د وږي ۱۸مه) د پاکستاني ځواکونو او طالبانو ترمنځ د نښتې د لامل په اړه یوه اعلامیه خپره کړه او لیکلي یې دي: “پاکستاني ځواکونو پر افغان سرحدي ځواکونو هغه مهال ډزې وکړې چې [دوی] د یوې امنیتي پوستې په ترمیم بوخت وو، چې کلونه مخکې جوړه شوې وه”.

د طالبانو د صنایعو او سوداګرۍ وزارت ویاند عبدالسلام جواد د پنجشنبې په ورځ (د وږي ۲۳مه) د طالبانو تر کنټرول لاندې ملي ټلویزیون ته وویل، چې دغه ډله له پاکستاني چارواکو سره د تورخم د پولې د پرانیستلو په اړه خبرې کوي.

سیمه ییزو سرچینو افغانستان انټرنشنل ته ویلي؛ ډزې هغه مهال پیل شوې، چې طالبانو د تورخم دروازې ته څېرمه د پوستې جوړول پیل کړل او پاکستاني ځواکونو یې د مخنیوي هڅه وکړه.

له بلې خوا د اسلام اباد چارواکو طالبان د "غیرقانوني" ودانیو او د پاکستاني پوله ساتونکو په "بې توپیره او بې هدفه ډزو" تورن کړي دي.

په وروستیو ورځو کې طالب چارواکو د تورخم دروازې د بیا پرانیستلو غوښتنه کړې او ویلي یې دي چې د دې پولې تړل د دواړو غاړو سوداګرو ته زیان رسوي.

د دې لارې د تړل کېدو له امله د پولې دواړو غاړو ته د مېوو، سبزیجاتو او نورو سوداګریزو توکو سلګونه بار وړونکي لارۍ منتظر ولاړې دي.

د پاکستان او افغانستان د سوداګرۍ د ګډې خونې مشر زاهدالله د پاکستاني رسنیو ته وویل، چې د تورخم د لارې د تړل کېدو له امله د دواړو غاړو سوداګرو ته د ورځې پنځه میلیونه ډالره زیان اوښتی دی.

هغه زیاته کړه، په تېر مالي کال کې د افغانستان او پاکستان ترمنځ د صادراتو او وارداتو ټولیز ارزښت ۱،۸ میلیارده ډالره و.

مېرمن بلوڅ د پنجشنبې په ورځ خبریالانو ته دا هم وویل، چې د طالبانو د حکومت د رسمیت پېژندلو په تړاو د پاکستان دریځ نه دی بدل شوی.

نهه ورځې وړاندې د پښتونخوا چترال کې پاکستاني طالبانو د پوځ په څو پوستو بریدونه کړي و، چې له امله يې څلور پوځيان او په مقابل کې ۱۲ وسلوال وژل شوي وو.

سرچينو نن افغانستان انټرنشنل ته ویلي چې په چترال کې جګړه درېدلې خو لا هم له لرې واټنه خال خال ډزې کيږي.

له هغه راهیسې دا دویم ځل دی چې ممتاز زهرا بلوڅ وايي دا بریدونه په افغانستان کې پلان شوي، خو افغان طالبان د اسلام اباد دا تورونه ردوي.

د سند والي (ګورنر) کامران ټیسوري هم تېره ورځ (د وږي ۲۱مه) ویلي، چې په سند کې یو شمېر افغانان په قاچاقو کې لاس لري او دوی پلان لري چې د افغانانو د نیولو لپاره روان عملیات لا ګړندي کړي.

نوموړی وايي، چې د پاکستان له لومړي وزیر سره یې په دې اړه خبرې هم کړي او هڅه کوي، چې په غېرقانوني کړنو کې ښکېل افغانان ونیسي.

د هغه په خبره؛ پرېکړه یې کړې، چې د قانوني اسنادو نه لرونکي به نیسي او بېرته به یې افغانستان ته لېږي.

په ورته وخت کې جیونیوز د کراچۍ د پولیسو په حواله خبر ورکړی، چې په تېرو پنځو ورځو کې یې په کراچۍ کې ۳۲۹ افغانان نیولي او د نورو په نیولو پسې پلټنې روانې دي.

خبر زیاتوي، چې په کراچۍ کې نیول شوي ټول افغانان غیر قانوني مېشت کډوال وو، چې له قانوني کړنو وروسته به طالبانو ته سپارل کیږي.

د رسمي معلوماتو له مخې؛ تر دې مهاله له پاکستاني زندانونو څخه نېږدې ۲۵۰۰ افغان زندانیان خوشې شوي دي.

خو په پاکستان کې د کډوالو چارو یو شمېر فعالان بیا وايي، چې اکثره نیول شوي کډوال د کډوالۍ رسمي اسناد هم لري خو بیا هم د پولیسو له خوا نیول شوي دي.

د طالبانو د بیا واک ته له رسېدو سره سم په پاکستان کې بریدونه زیات شوي،چې په اړه یې ګڼو پاکستاني چارواکو ادعاوې کړي، چې ترهګریز بریدونه له افغانستان پلانیږي.

خو طالبانو په وار – وار د پاکستاني چارواکو ادعاوې رد کړي او دا یې د هغوی د امنیتي ځواکونو ناکامي بللې ده.

د ترهګرۍ ضد اداره(سي ډي ټي) وايي، چې دوی د بلوچستان په مستونګ ښار کې ځانګړي عملیات کړي، چې د پاکستان فیډرالي ادارې ته مطلوب د داعش قوماندان شعیب یې پکې وژلی دی.

دغه اداره زیاتوي، چې نوموړی لومړی د جیش محمد غړی و، له هغې وروسته بیا د لشکرجنګوي سره همغاړی شو او ورپسې یې په وزیرستان کې له ټي ټي پي سره روزنه تر لاسه کړه.

د دغې ادارې په خبره، چې نوموړی په ۲۰۱۵ ز کال کې د داعش – خراسان ډلې غړی شو، چې په پاکستان کې یې په ګڼو ځانمرګو بریدونو او مخامخ جګړو کې لاس درلود.

د ترهګرۍ ضد اداره وايي: “پر یو شمېر سیاسي اشخاصو د ځانمرګو په بریدونو، په مچ سیمه کې د هزاره کان کېندونکو د وژنې او بلوچستان کې په بېلابېلو ځانمرګو کې یې لاس لاره”.

پاکستاني امنیتي ادارې د نوموړي د وژلو خبر په داسې مهال ورکوي، چې په پاکستان کې امنیتي وضعیت د پام وړ خراب شوی او امنیتي مشران یې بار – بار نیوکه کوي، چې په پاکستان کې کېدونکي بریدونه په افغانستان کې پلانیږي خو طالبانو د دوی ادعاوې رد کړي دي.

د نوموړي د همدې خبرو ویډیو خواله رسنیو کې لاس په لاس کېږي چې وايي، له خدای غواړي چې هر جبر وزغمي.

نوموړی قاضي ته په خطاب کې وايي، چې ممکن انصاف وځنډول شي، خو پټېدلی نه شي.

د هغه په خبره، په اډیاله بند کې یوازې ساتل کېږي او د نورو بندیانو په څېر چکر ته هم نه پرېښودل کېږي.

شاه محمود قریشي دا هم وايي، چې خپل هېواد پرې ګران دی او کله یې هم ور سره خیانت نه دی کړی او که یې کومه غداري کړې وي، نو پانسي ته تیار دی.

شاه محمود قریشی د تېرې اګسټ میاشتې پر ۱۹ په اسلام اباد کې د پولیسو له خوا په خبل کور کې ونیول شو.

تر دې مخکې هم شاه محمود قریشي نیول شوی، خو له څو ورځو بند تېرولو وروسته خوشی شوی دی.