د پاکستان او افغانستان د مدني ټولنو ناسته ترسره شوه
د پاکستان ډان ورځپاڼې د جمعې په ورځ د (وږي په ۲۴مه) راپور ورکړ، چې د پاکستان او افغانستان د مدني ټولنو دویم کنفرانس په اسلام اباد کې ترسره شو.
ویل شوي، چې ګډوانوالو په دغې ناسته کې په افغانستان کې د نجونو د زدهکړو مرکزونو د خلاصېدو غوښتنه کړې او د ترهګرو ډلو پر وړاندې د مبارزې په اړه یې خپل نظرونه سره شریک کړل.
د دغه کنفرانس د خبرپاڼې له مخې راپور ورکړل شوی، چې کارپوهانو په سیمه کې د القاعدې، تحریک طالبان پاکستان او داعش په شان ډلو لهخوا رامنځ ته شوي امنیتي ګواښونه وڅېړل.
ډان ورځپاڼې د ګډونوالو نومونه نهدي په ډاګه کړي. له دې سره راپور ورکړل شوی، چې دوی د رسنیو د تورونو او یو بل د تورنولو پر ځای د مسلې د حل لپاره د ډیپلوماتیکو اړیکو وړاندیز کړی دی.
همدارنګه هوکړه شوې، چې په افغانستان کې د نجونو د زدهکړې دوام دې "چانس" ته نه پرېښودل کېږي، بلکې د وضعیت د بدلون لپاره باید شعوري هڅې وشي.
په دې وروستیو کې د پاکستان او افغانستان اړیکې په افغانستان کې د ټيټيپي د حضور په سر ترینګلې شوې. سربېره پر دې، په تېرو دوو کلونو کې پاکستاني پوله ساتو ځواکونو له افغان طالبانو سره څو وسلهوالې نښتې هم کړې دي.
