د سویډن په مالموي کې د نرښځیانو د حقونو فعالې مهره بارکزۍ چې په افغانستان کې د نرښځیانو د وضعیت په تړاو یې د اعتراض په ډول اعتصاب کړی و، د بد روغتیایي وضعیت له کبله روغتون ته ولېږدول شوه.
مهره بارکزۍ په افغانستان کې د «نرښځیانو د جنسیتي توپیر» د په رسمیت پېژندنې غوښتونکې ده.
د اغلې بارکزۍ بله غوښتنه، له افغانستانه سویډن ته د نرښځیانو لېږدول دي.
هغې د خپل اعتصاب په اوومه ورځ ویلي و، چې په افغانستان کې نرښځیان د مرګ له ګواښ سره مخامخ دي.
د اغلې بارکزۍ په وینا، ګڼ شمېر نرښځیان بې کوره دي هغوی ته دنده نه ورکول کېږي او ځینې یې د طالبانو او ان د خپلو کورنیو له ګواښونو سره مخامخ دي.
هغې د پنجشنبې په ورځ ویلي و، چې د ملګرو ملتونو او سویډن د حکومت چارواکو د هغې اعتراض ته هیڅ پام نه دی کړی.
د مهره بارکزۍ په وینا، په سویډن کې د بشري حقونو او د نرښځیانو د حقونو فعالانو هم د هغې اعتراض ته پاملرنه نه ده کړې.
مهره بارکزۍ اوه ورځې وړاندې د سېپټمر په اوومې نېټې د المان کولن ښار کې د تمنا زریاب پریاني او د بشري حقونو یوشمېر فعالانو له اعتصاب وروسته، خپل د نه خوړو اعتصاب پیل کړ.
