کاناډا د اوکراین د پوځ د ملاتړ لپاره ۲۴ میلیونه ډالره ځانګړي کړي دي
د کاناډا د دفاع وزارت اعلان وکړ، چې له اوکراین سره د خپلو مرستو په دوام یې د دغه هېواد د پوځ د ملاتړ لپاره نور ۲۴ میلیونه ډالره ځانګړي کړي دي.
د کاناډا د دفاع وزارت اعلان وکړ، چې له اوکراین سره د خپلو مرستو په دوام یې د دغه هېواد د پوځ د ملاتړ لپاره نور ۲۴ میلیونه ډالره ځانګړي کړي دي.
کاناډایي چارواکو ویلي دي، چې دا پیسې به د اوکراین د پوځ لپاره د هوايي دفاعي سیستم په اخیستلو ولګول شي.
د کاناډا د دفاع وزارت پر خپله ویب پاڼه په یوه بیان کې ویلي، کاناډا د اوکراین د هوايي دفاع د وړتیاو د ښه کولو لپاره د برېتانیا په مشرۍ کمپاین کې برخه اخلي.
د دې اعلامیې له مخې؛ کاناډا په پام کې لري چې اوکراین ته د منځني واټن او لنډ واټن سلګونه توغندي ورکړي.
د کاناډا د دفاع وزارت زیاته کړې، چې دا مرستې د اوکراین د مهمو زېربناوو د ساتنې لپاره اړینې دي.
د کاناډا د دفاع وزارت د معلوماتو له مخې؛ د ۲۰۲۲ کال له پیل راهیسې دغه هېواد له اوکراین سره څه باندې ۸ میلیارده کاناډايي ډالره مرسته کړې ده.
