هندوستان کرېکټ لوبډلې په دویمه نړیواله یو ورځنۍ سیالۍ کې اسټرالیا لوبډلې ته ماتې ورکړه
هندوستان کرېکټ ملي لوبډلې د یکشنبې په ورځ خپله دويمه نړیواله یوه ورځنۍ لوبه کې اسټرالیا لوبډلې ته د ۹۹ منډو په توپیر ماتې ورکړه او سیریز یې «۲-٠» په خپل نوم کړ.
هندوستان کرېکټ ملي لوبډلې د یکشنبې په ورځ خپله دويمه نړیواله یوه ورځنۍ لوبه کې اسټرالیا لوبډلې ته د ۹۹ منډو په توپیر ماتې ورکړه او سیریز یې «۲-٠» په خپل نوم کړ.
د يادې لوبې پچه اسټراليا لوبډلې وګټله او لومړی یې د توپ اچونې پرېکړه وکړه چې هندوستان لوبډلې ورته په ټاکلو ٥٠ اورونو کې د ٥ پنځو لوبغاړو په سوځېدو ٣٩٩ منډې هدف وټاکه.
د هند لپاره شیرس آییر ۱۰۵ او شبمن ګیل ۱۰۴ منډې جوړې کړې.
دغو لوبغاړو پر دویمه ویکټ د هندوستان لپاره ٢٠٠ منډې جوړې کړې.له دوی وروسته کیل راهول ۵۲ او سوریا کومار یادو ۷۲ ناسوځېدلې منډې جوړې او خپله لوبډله یې تر یاد ستر هدفه ورسوله.
د اسټرالیا په لوبډله کې کیمرون ګرین د ډېرو منډو په ورکړې سره د سیالې لوبډلې دوه لوبغاړي وسوځول.
د دویمې پاڼۍ په پيل کېدو سره باران پیل شو او لوبه وځنډول شوه، د باران د زیات اورښت له کبله وروسته د (ډي ايل ایس) قانون له مخې اسټرالیا ته ټاکلو ۳۳ اورونو کې د ۳۱۷ منډو هدف وټاکل شو.
خو اسټرالیا لوبډله ونه توانېده چې یاد هدف ترلاسه کړي او په ۲۸.۲ اورونو کې د ۲۱٧ منډو په جوړېدو سره ټوله لوبډله وسوځیده.
د هند دوو تکړه سوکه توپ اچونکو رویندرا جډیجا او اشوین ښه توپ اچونه وکړه او هر یو درې درې استراليايي لوبغاړي وسوځول.
د يادونې وړ ده چې د یاد سريز دریمه او وروستۍ لوبه به د روانې میلادي میاشتې په ٢٧ مه نیټه د سې شنبې په ورځ د هندوستان ګجرات ښار کې ترسره شي.
