له نایجیریا څخه د فرانسې د پوځ د وتلو له اعلان وروسته امریکا اعلان وکړ چې په نایجیریا کې د واشنګټن په پوځي دریځ کې کوم پام وړ بدلون نه دی راغلی.
ویل کیږي لا هم تر زرو پورې امریکايي پوځيان د نایجیریا پلازمېنې نیامي په څنډو کې پراته دي.
د تسنیم د راپور له مخې، د امریکا د دفاع وزیر لوید آسټین د دوشنبې په ورځ وویل چې په نایجیریا کې د حکومت له بدلون سره، سره واشنګټن په دغه هیواد کې په خپل پوځي دریځ کې پام وړ بدلون نه دی راوستی.
له دغه افریقایي هیواد څخه د فرانسې د پوځ د وتلو له اعلان وروسته، آسټین وویل چې امریکا به په دې برخه کې خپل راتلونکي ګامونه و ارزوي.
د متحده ایالاتو د دفاع وزارت اعلان کړی چې په نایجیریا کې د واشنګټن ډیری نظامي ځواکونه، چې شمېر یې زر تنه دی د "اغادیز" (د نایجر پلازمینې نیامي څخه شاوخوا ۹۰۰ کیلومتره لرې) د ۲۰۱ هوايي اډې شاوخوا ځای پرځای شوي.
فرانسوي ځواکونه به د روان میلادي کال تر پایه له نایجیریا څخه ووځي.
آسټین د نایجیریا د لوېدیځې برخې د حاکمیت د ساتلو په برخه کې په ټینګار سره وویل چې متحده ایالات لا هم هیله لري چې یوه ډیپلوماټیک حل ومومي او د محمد بازوم د حاکمیت ساتنه وکړي.
بازوم له هغه وخت راهیسې په کور کې نظربند دی چې د نویو پوځي ځواکونو له لوري د دغه هیواد واک یې په لاس کې واخیست.
د فرانسې ولسمشر "ایمانویل مکرون" په دې وروستیو کې په یوه ټلویزیوني مرکه کې ویلي: «موږ پرېکړه کړې چې له نایجیریا سره خپله پوځي همکاري پای ته ورسوو او د روان کال تر پایه به فرانسوي ځواکونه له دغه هېواده ووځي.»
ولسمشر مکرون پرون ويلي و چې په نیامي کې د فرانسې سفیر او نور ډیپلوماټان به په راتلونکو څو ساعتونو کې له نایجیریا څخه ووځي.
د نایجیریا واکمنې پوځي شورا له دغه هېواده د فرانسوي ځواکونو د وتلو په اړه د پاریس د پرېکړې هرکلی وکړ او اعلان یې وکړ: «دا د نایجیریا لپاره یوه تاریخي شیبه ده.»