د هانګژو اسیایي سیالۍ؛ محمد یاسین حسیني د کایاک په بېړۍ چلوونه کې اووم شو
نن د بېړۍ چلونې کایاک اسیایي سیالیو لوبې ترسره شوې او په دغه برخه کې له افغانستانه یوازینی لوبغاړی سید محمد یاسین حسیني په لومړۍ ډله کې په زرو مترو کې اووم شو. حسیني دغه زر متره مزل په څلورو دقیقو کې ترسره کړ.
په دې برخه کې چینایي او ازبکستاني لوبغاړي لومړي او دویم شول.
د افغانستان بېړۍ چلوونکی نن د کایاک زرو مترو لوبو په نیمه پایلوبه کې په ځایي وخت ۳بجې او د افغانستان په وخت ۱۱:۳۰ بجې له خپلو سیالانو سره ولوبېد.
د دغو سیالیو په نيمه پايلوبه کې د دغه ورزشکار د ګډون لامل دا دی، چې په تېرو پړاوونو کې يې د هانګژو اسيايي لوبو د جوړوونکو مسوولینو لهخوا یې لازمې نمرې ترلاسه کړې وې.
