د پنجاب په میاوله کې د پولیسو پر پوسته په برید کې دوه وسلوال او یو سرتېری ووژل شول

د ښاغلي فیکو په مشرۍ کیڼ اړخي سوسیال دیموکرات ګوند په دې بریالی شو چې ۲۴ سلنه رایې خپلې کړي او له لیبرال ګوند څخه چې ۱۷ سلنه رایې یې ترلاسه کړې، مخکې شو.

د شنبې په ورځ (د تلې۸ مه) د سلواکیا په ټاکنو کې ۹۸ سلنه رایې شمېرل شوې وې.

په ټاکنو کې له بریا سره سره د رابرټ فیکو په مشرۍ سوسیال دیموکرات ګوند اړ دی چې د حکومت جوړولو لپاره د ځینو نورو ګوندونو ملاتړ ترلاسه کړي.

د سلواکیا اوسنی حکومت چې د ناټو غړی دی، له اوکراین څخه يې پراخ پوځي ملاتړ کړی، خو رابرټ فیکو د مسکو ملاتړی او کییف ته د مرستو ورکړې مخالف دی.

ښاغلي فیکو د خپل ټاکنیز کمپاین پر مهال ژمنه کړې وه چې که ټاکنې وګټي نو پر اوکراین به پوځي مرستې بندې کړي.

د امنیتي مطالعاتو څېړنیز مرکز په دغه راپور کې چې مرکز یې د پاکستان په پلازمېنه اسلام آباد کې دی ویل شوي چې د تېر کال په پرتله په دغه هیواد کې «ترهګریز بریدونه» ۱۹سلنه ډیر شوي دي.

په دغه راپور کې ویل شوي چې دا بریدونه په ځانګړي ډول د بلوچستان او خیبر پښتونخوا په ولایتونو کې ډیر شوي چې د افغانستان سره «ګډه پوله» لري.

پاکستاني چارواکيدعوه کوي چې د پاکستاني طالبانو یا ټي ټي پيڅه د پاسه۴ زره غړي په افغانستان کې مېشت دي او پر پاکستان له پورې بریدونه پلانوي او بیا يې په پاکستان کې ترسره کوي، خو طالبانو تل داسې تورونه رد کړي دي.

د امریکا د بهرنیو چارو وزارت اعلان کړی چې چین د سانسور، استخباراتي معلوماتو راټولولو او د امریکا د بهرنیو خبري اژانسونو د پټو پېرودلو له لارې نړیوالې رسنۍ اداره کوي.

د امریکا د بهرنیو چارو وزارت په یوه راپور کې ویلي، چې له بې ساري سرچینو سره سره چې چین د معلوماتو د لاسوهنې لپاره ځانګړې کړې، د سیمه ایزو رسنیو او مدني ټولنې د شاتګ له امله له"لویې ماتې" سره مخ شوی.

د چین د بهرنیو چارو وزارت په یوه اعلامیه کې ویلي چې دغه راپور ریښتینولي له پامه غورځولې ده.

دغه وزارت ویلي: «د امریکا بهرنیو چارو وزارت د خپاره شوي راپور، معلوماتي سرچینې ناسمې دي. »

د چین د بهرنیو چارو وزارت زیاته کړې چې حقیقتونو په ځلونو ثابته کړې چې امریکا په حقیقت کې «د دروغو امپراتوري» ده.

بیجینګ هڅه کوي چې د چین په اړه د هغه منفي انځور وړاندې کولو د مخنیوي له پاره مبارزه وکړي، چې د نړیوالو رسنیو له لوري خپریږي.

د لوهانسک، دونیتسک، خرسون او زاپوریزیا د یوځای کیدو د لومړۍ کلیزې په مناسبت، د روسیې ولسمشر ادعا وکړه چې «د دغو سیمو اوسېدونکو له خپل پلرني ټاټوبي سره یوځای کېدل غوره کړل.»

پوتین د شنبې په ورځ د تلې میاشتې په اتمه په یوه پیغام کې له روسیې سره د دغو سیمو د یوځای کول یوه "تاریخي او برخلیک ټاکونکې" چاره وبلله.

روسیې پر اوکراین له یرغل وروسته په دغو څلورو سیمو کې جبرې ټولپوښتنه ترسره کړه.

د مسکو چارواکو تېر کال په تله میاشت کې ویلي وه، چې د اوکراین په څلورو ولایتونو کې له روسیې سره د یو ځای کېدو لپاره ټولپوښتې پایلې له ۷۸ تر ۹۹ سلنې پورې مثبتې وې.

د اوکراین ولسمشر ولادیمیر زیلینسکي دغې کړنې ته غبرګون وښود او ویلي يې وچې دا «په اشغال شویو سیمو کې خندونکي ننداره» حتا د ټولپوښتنې تقلید نه شي بلل کیدی.

لوېدیځو حکومتونو او ملګرو ملتونو هم ټینګار کړی، چې دغه ټولپوښتنې د روسیې تر اشغال لاندې ترسره شوې، له نړیوالو قوانینو سرغړونه ده او دا چاره يې باطله بللې ده.

دغه اداره وايي، په دغو اوسپنیزو توکو کې ګاډر، ټېرنګ او نور ودانیز توکي شامل و، خو د سټنډرډ ادارې د مسلکي انجنيرانو له خوا له لابراتواري ازموينو وروسته یې پايله منفي وه او بېرته ورلیږل شول.

د طالبانو دغې ادارې ویلي چې د ساختماني موادو د کیفیت او ټیکاو د کنټرول په برخه کې «جدي او پرېکنده» اقدام کوي.

په تېرو دوو کلونو کې، د طالبانو د سټنډرډ ادارې بیلابیل وارداتي توکي، په ځانګړې توګه ټیټ کیفیته تېلي محصولات د ایران په ګډون ګاونډیو هېوادونو ته بیرته ورلیږلي.

د سیمې له هېوادونو څخه د بی کیفیته توکو واردول د افغانستان د تېر حکومت او اوس مهال د طالبانو لپاره له مهمو ننګونو څخه دی.