د پاکستان په پنجاب کې چارواکي وایي، د دغې صوبې په میاوله کې نن د اکتوبر پر لومړۍ نېټه ۱۲ وسلوالو د پولیسو پر پوسته برید کړی چې له امله یې دوه وسلوال او یو پولیس وژل شوي دي.
د پاکستاني طالبانو ډلې د دې برید مسوولیت منلی دی.
د پنجاب د پولیسو دفتر وايي، په برید کې ۱۲ وسلوالو برخه درلوده، خو د پولیسو په ځوابي ډزو سره په شا شوي دي.
د ځايي چارواکو په وینا وسلوالو پر پوسته له دوو لورو برید کړی و، خو د پوستې پر بام د پولیس په ځوابي برید او د نورو ځواکونو د ملاتړ له امله یې دا برید ناکام شو.