په ډنمارک کې د پښتون ژغورنې غورځنګ: پاکستان کوښښ کوي چې د پښتون ژغورنې غورځنګ کمزوری کړي
په ډنمارک کې د پښتون ژغورنې غورځنګ لسګونو غړو د پاکستان د سفارت مخې ته لاریون کړی او لاریون والو د پښتنو پر وړاندې د پاکستان له متشدد سیاست غندنه کړې ده.
په ډنمارک کې د پښتون ژغورنې غورځنګ لسګونو غړو د پاکستان د سفارت مخې ته لاریون کړی او لاریون والو د پښتنو پر وړاندې د پاکستان له متشدد سیاست غندنه کړې ده.
دغه لاریونوال وايي، چې پاکستان په تورخم، سپین بولدک، کراچۍ او اسلام اباد کې افغان کډوال او ناروغان زنداني کوي، ځوروي او پېسې ترې اخلي.
دغه لاریونوالو د پاکستان پر پوځ غږ کړی، چې د پښتنو پر وړاندې دې له متشدد سیاست څخه لاس واخلي او د پښتون ژغورنې غورځنګ غړي عید الرحمان، ګیله من وزیر او زکیم دې خوشې کړي.
یادو لاریون کوونکو ویلي، چې د پاکستان حکومت په لوی لاس د پښتون ژغورنې غورځنګ کمزوری کوي او د دوی پر وړاندې د ټولو بشري اصولو او قوانینو خلاف تشدد کوي.
هېره دې نه وي، چي تر دې وړاندي هم د (پي ټي ایم) غړو د افغان کډوالو او هلته د مېشتو پښتنو لږه کیو سره د بشري ضد کړنو خلاف د هاګ محکمې مخ کې لاریون کړی و او د پاکستان اداره یې له بشري حقونو څخه په سرغړونې تورنه کړه.
د دغو لاریونونو په اړه د پاکستان حکومت رسنیو ته څه نه دي ویلي.
