د نیویارک والي: د اقلیم د بدلون له امله په نیویارک کې سیلابونه "نوی حقیقت" دی

د عراق د کورنیو چارو وزیر عبدالامیر الشمري د یکشنبې په ورځ په یوه خبري کنفرانس کې د پلټنو پایلې اعلان کړې او ویلي یې دي چې، د سالون مالک ۹۰۰ کسانو ته د ننوتو اجازه ورکړې وه، خو دا سالون د ۴۰۰ کسانو لپاره جوړ شوی و.

الشمري وویل، «د اور لګېدونکو سینګارتوکو کارولو په چټکۍ سره د اور په خپریدو کې مرسته کړې او د واده تالار یې د اور په توپ بدل کړ.»

هغه زیاته کړه، «اورلګیدنې خلک د واده په تالار کې دننه بند کړل، ځکه چې د وتلو دروازې لږې او کوچنۍ وې او د ژغورنې ډلې دوی ته د رسیدو لپاره هڅې کولې.»

له دې سره، ویل کېږي چې اورلګېدنه ناڅاپي او د بې احتیاطۍ له امله رامنځته شوې ده.

د عراق د کورنیو چارو وزیر د مړو شمیر ۱۰۷ تنه اعلان کړ او ویې ویل چې څېړنیزې ډلې وړاندیز کړی چې حکومت دې د وژل شویو او ټپیانو له کورنیو سره مالي مرستې وکړي.

د عراق لومړي وزیر محمد شیاع السوداني د پنجشنبې په ورځ په دوو روغتونونو کې د اورلګېدنې له قربانیانو سره وکتل او ژمنه یې وکړه چې د اور لګېدنې عاملان به ونیسي.

د بریټانیا دفاع وزیر د شنبې په ورځ اوکراین ته د پوځي روزونکو د استولو د پلان ملاتړ وکړ.

د برېټانیې د دفاع وزیر ګرانټ شاپس د شنبې په ورځ په یوې مرکه کې وویل چې، دی غواړي په برېټانیا او نورو لویدیځو هیوادونو کې د اوکرایني سرتېرو د روزنې ترڅنګ اوکراین ته د برېټانیې پوځي روزونکي هم واستوي.

هغه هیله څرګنده کړه چې د برېټانیا پوځي شرکتونه به په اوکراین کې د وسلو د فابریکو د جوړولو د پلان هرکلی وکړي.

پخواني ولسمشر او د پوتین ملګری مدودف، د برېټانیا د دفاع وزیر د څرګندونو په غبرګون کې وویل: «د دغو روزونکو شتون زموږ د وسله والو ځواکونو لپاره مشروع هدف ګرځي، دوی ډیر ښه پوهیږي چې په بې رحمۍ سره به له منځه ولاړ شي.»

هغه پر هغو کسانو چې غواړي جرمني اوکراین ته د کروز تاروس توغندي ورکړي هم نیوکه وکړه.

مدودف وویل، «دوی وايي چې دا کار د نړیوالو قوانینو سره سم دی، نو د جرمني پر فابریکو باندې برید چې دا توغندي پکې جوړیږي هم د نړیوالو قوانینو سره سم دی.»

د روسیې د امنیت شورا مرستیال خبرداری ورکړ چې د لویدیځ دا کړنې به نړۍ دریمې نړیوالې جګړې ته نږدې کړي.

ددغه لوړپوړي روسي چارواکي له څرګندونو وروسته، د برېټانیا لومړي وزیر ریشي سونک د یکشنبې په ورځ وویل چې اوکراین ته د پوځي روزونکو د استولو سمدستي پلان نه لري.

سونک زیاته کړه: «د دفاع وزیر مطلب دا و چې یوه ورځ به په اوکراین کې د پوځي روزنې یوه برخه ترسره کړو، خو دا کیدای شي یو اوږدمهاله پلان وي.»

هغه وویل چې، «هیڅ برېټانیاوي سرتیری په اوسنۍ جګړه کې اوکراین ته د مرستې لپارهنه دی لیږل شوی.»

برېټانيا تېر کال له اوکراين څخه بهر شاوخوا شل زره اوکرايني پوځيانو ته پنځه اونۍ پوځي روزنيز پروګرامونه جوړ کړل او په راتلونکي کې هم د ورته شمېر د روزنې پلان لري.

د سرچينو له مخې؛ په کابل کې دترکيې سفارت ودان ته ويزه ورکړې ده.

ویل کېږي، چې د طالبانو د بهرنیو چارو وزارت زبیر ودان د دې ادارې د لومړي سکرتر په توګه ټاکلی دی.

که څه هم د ترکیې حکومت د طالبانو حکومت په رسمیت نه پېژني؛ خو دې ډلې ته یې اجازه ورکړې، چې په انقره کې د افغانستان سفارت او په استانبول کې د دغه هېواد قونسلګرۍ تر خپل کنټرول لاندې راولي.

د تېر کال په اګسټ میاشت کې د طالبانو د بهرنیو چارو وزارت په استانبول کې د افغانستان په قونسلګرۍ کې خپل یو ډېپلومات وټاکه او د تېر حکومت درې ډېپلوماټان یې له دندو ګوښه کړل.

د افغانستان د پخواني حکومت سفیر امیر رامین لا هم په انقره کې د دغه هېواد د سفارت چارې پر مخ وړي او د پخواني حکومت ډېری نور ډېپلوماتان اوس هم په ترکیه کې مېشت دي.

د طالبانو د بهرنیو چارو وزیر امیرخان متقي په ۱۴۰۰ کال کې په ترکیه کې د افغانستان سفارت ته لاړ او هلته یې د افغانانو او د سفارت له کارکوونکو سره وکتل.

د منځنۍ اسیا د هېوادونو مشرانو او د جرمني لومړي وزیر په یوې ګډې اعلامیه کې په افغانستان کې د ټولګډونه حکومت پر جوړېدو او د ښځو د حقونو پر تامین ټینګار کړی.

په یاده ګډه اعلامیه کې ویل شوي، چې دوی د یوه سوله ییز، باثباته او سوکاله هېواد په توګه د افغانستان د ټولو وګړو او په ځانګړي ډول د ښځو، نجونو او قومي لږه کیو لپاره د بشري حقونو او بنسټیزو ازادیو غوښتونکي دي.

خو بل خوا د طالبانو ویاند ذبیح الله مجاهد نن یکشنبه ( د تلې ۹مه) په کابل کې رسنیو ته ویلي، چې د ټولګډونه حکومت او د ښځو د حقونو مساله د دوی داخلي مساله ده.

هغه زیاته کړه: “ زموږ کابینه د ټولو اقوامو څخه جوړه ده او د ټولو قومونو استازي پکې شته”.

نوموړي ویلي، چې دا مهال په افغانستان کې د ښځو او نجونو حقونه خوندي دي.

د طالبانو د بیا واک ته له رسېدو وروسته په افغانستان کې ښځې او نجونې د زده کړو او کار حق نه لري، دغې چارې د ګڼو هېوادونو او نړۍوالې ټولنې غبرګونونه راپارولي دي.

له دې وړاندې نړۍوالې ټولنې او ګڼو نړۍوالو سازمانونو په افغانستان کې د مېرمنو او نجونو پر وضعیت اندېښنه ښودلې او ویلي وو، چې افغانې مېرمنې او نجونې له ټولنیز ژوند څخه بې برخې شوې دي.

د مسلم لیګ د اېکس له مخې، د نواز شریف لور مریم نواز د یکشنبې په ورځ په لاهور کې د ګوند ځوانانو څانګې په غونډه کې دا خبرې وکړې.

ټاکلې ده چې نواز شریف له څو کلنې جلاوطنۍ وروسته د اکتوبر پر ۲۱ له بریتانیا څخه خپل هېواد ته ستون شي.

مریم نواز له ګوندي ملګرو وغوښتل چې د ښاغلي شریف هرکلي ته راووځي او زیاته یې کړه: «د اکتوبر پر ۲۱ به ولس ثابته کړي چې یوازې نواز شریف مشر دی.»

نوموړی په داسې مهال پاکستان ته ستنېږي چې تېره اونۍ یې د اختلاس اړوند یوه دوسیه بیا را ژوندۍ شوې ده.

نواز شریف پر ۲۰۱۷ کال هم د فساد په تور د سترې محکمې له خوا له واکه لرې او بیا پر ۲۰۱۸ کال د تل لپاره له سیاست او واک منع شو.