جرمني له فلسطین سره د ۳۸ میلیونه یورو مرسته کوي

د طالبانو تر واک لاندې ملي ټلویزیون ددې مطلب په خپرولو سره زیاته کړې ده چې، د روسیې ملي امنیت شورا مرستیال ویلي، چې په افغانستان کې د نشه یي توکو پر وړاندې د طالبانو حکومت مبارزه د امریکا او د هغوی د ملګرو له ۲۰ کلنې مبارزې څخه اغېزناکه ده.

سره له دې چې په راپور کې نور جزیات نه دي ورکړل شوي چې نوموړي دا خبرې چیرته کړې، خو د ملګرو ملتونو د نشه يي توکو پر وړاندې د مبارزې دفتر تېره اونۍ اعلان وکړ چې، سږ کال په افغانستان کې د کوکنارو په کښت کې ۹۵ سلنه کموالی راغلی دی.

د نشه يي توکو او جرمونو پروړاندې د ملګرو ملتونو د مبارزې دفتر وايي، په ۲۰۲۳ کال کې د تریاکو له خرڅلاو څخه د کروندګرو عاید له ۱۳۶۰ میلیون څخه په ۲۰۲۲ کال کې ۱۱۰ میلیون ډالرو ته راټیټ شوی دی.

پر افغانستان د طالبانو له واکمنۍ مخکې امریکا شل کاله له ترهګرۍ سره د مبارزې ترڅنګ د نشه یي توکو د له منځه وړلو په برخه کې هم میلیونونه ډالره ولګول خو واک ته د طالبانو رسېدل او تر اوسه هم یو شمېر سیمو کې د کوکنارو کر او پروسس د دې ښکارندویي کوي چې د امریکا دا دواړه هڅې ناکامې وې.

د یادولو ده چې، طالبانو د ملا هېبت‌الله د یوه فرمان پر بنسټ د ۱۴۰۱ هجري لمریز کال د وري په میاشت کې د کوکنارو په کر او خرڅلاو بندیز ولګاوه، خو لا هم د افغانستان په سویل لویدیځو ولایتونو کې د نشه یي توکو د پروسس فابریکې شته او په څرګنده د تریاکو او نورو نشه یی توکو د پیر او پلور مارکیټونه په ازاد ډول فعال دي.

رفح غزې ته د ننوتلو یوازینۍ لاره ده چې د اسراییل لخوا نه مهاریږي او د بشري مرستو د لیږلو او د ناروغانو د اېستلو له پاره خورا مهمه ده.

مصري سرچینو ویلي چې، له دغې لارې څخه د بهرنیانو او فلسطینیانو چې بیړنۍ درملنې ته اړتیا لري، د جمعې په ورځ د اېستلو بهیر وځنډول شو.

اوس مهال په غزه کې روغتیایي سیسټم د سقوط په درشل کې دی، د حماس او اسراییل ترمنځ نښتې د دې تړانګې په شمال کې روغتونونو ته نږدې دوام لري.

د فلسطین سرې میاشتې خبرداری ورکړی چې اسراییلي ټانکونه د غزې په تړانګه کې القدس روغتون ته نږدې شوي دي.

فلسطیني سرچینو د شنبې په ورځ د لړم په ۲۰مه خبر ورکړ چې اسراییلي پوځ د غزې په تړانګه کې درې روغتونونه کلابند کړي دي.

د دغو سرچینو په وینا، د شفاء روغتون سره اړېکه پرې شوې ده.

د اناتولي خبري اژانس د شنبې په ورځ (د لړم ۲۰مه) د فلسطین روغتیا وزارت د ویاند له قوله راپور ورکړ چې، «د شفاء روغتون انګړ د اسراییل د بې پیلوټه الوتکو له پاره په یوه خلاص میدان بدل شوی چې هر هغه کس چې خوځیږي په نښه کیږي.»

القدره د بې ځايه شويو کورنيو، روغتیایي کارکوونکو او په دغه روغتون کې د ټپيانو په ګډون د څه باندې شل زره کسانو شتون ته په اشارې سره وويل چې، مړي او ټپيان د یاد روغتون په دروازه او په ځمکه پراته دي.

د اسراییل پوځ اعلان کړی چې د دغه هېواد پوځیان د غزې په شفاء روغتون ډزې نه کوي او د دغه روغتون په شاوخوا کې د حماس له وسله والو سره نښتې دوام لري.

د فلسطین روغتیا وزارت ویاند د اکسیجن او مرستندویه وسایلو د نشتوالي له امله د یوه نوي زیږیدلي ماشوم د مړینې خبر هم ورکړ او د روغتیایي وسایلو په بیړنۍ اړتیا یې ټینګار وکړ.

تر دې مخکې د فلسطین د روغتیا وزیر ویلي وو چې ۳۹ نوي زیږیدلي ماشومان د اکسیجن د کمښت له امله په شفاء روغتون کې له ګواښوونکي وضعیت سره مخ دي.

نوموړي وویل چې، په غزه کې له ۳۵ روغتونونو څخه څه باندې ۲۰ روغتونونه د اسراییل د بریدونو او د تیلو د کمښت له امله له کاره لوېدلي دي.

د وال سټریټ ژورنال د راپور له مخې، شفاء روغتون د اسراییل تر محاصرې لاندې دی او تر درې زره کم کسان په کې پاتې دي.

په راپور کې همداراز زیاته شوې چې، د اسراييلي چارواکو په خبره ښايي تر روغتون لاندې يو شمېر يرغمل شوي کسان ساتل شوي وي او دې موضوع د پوځ کار ستونزمن کړی دی.

د اسراییل حکومتي ویاند ویلي چې د حماس مرکزي دفتر د شفاء روغتون لاندې موقعیت لري.

د غزې روغتیا وزارت د شمېرو له مخې، په غزې تړانګه کې د اسراییلپه بریدونو کې تر اوسه بورېڅه باندې ۱۱ زره کسان وژل شوي او تر ۲۷ زرو زیات ټپیان شوي دي.

د امریکا سي بي سي نیوز د راپور له مخې، مېرمن کلېنټن د چهارشنبې په ورځ یوه خپرونه کې وویل:‌ «لکه څنګه چې موږ پوهیږو، فکر کوم دا به زموږ د هېواد پای وي او زه دا عادي نه ګڼم».

۷۶ کلنې کلېنټن د متحده ایالاتو د بهرنیو چارو د وزیرې په توګه د خپلې دندې یادونه وکړه او د هغو مشرانو ټاکنو ته یې اشاره وکړه چې په ډیموکراټیک ډول یوځلې ټاکل کیدل او د ټاکلې مودې له ختمیدو وروسته د ټاکنو له سیستم اوخپلواکو مطبوعاتو لرې کیدل.

مېرمن کلېنټن چې خپله ډیموکراټه ده، وویل: «او تاسو دا په هېوادونو کې لیدلی شئ چې – ښه، هټلر هم په سمه توګه وټاکل شو، کنه؟»

اډولف هټلر د جرمني د نازي ګوند مشر و، په ۱۹۳۳ میلادي کال کې د جرمني د حکومت مشر یا لومړي وزیر په توګه وټاکل شو.

هیلري کلنټن زیاته کړه: «ټرامپ خپله موږ ته وایي چې څه کول غواړي. هغه په خپله خبره کې یې راګیر کړئ. د دغه سړي تعریف دادی؛ هغه خلک چې در سره موافق نه وي زندان ته یې واچوئ. قانوني رسنۍ وتړئ، هغه څه کوئ چې په حقیقت کې د قانون حاکمیت او د هېواد ارزښتونه کمزوري کوي.»

۷۷ کلن ټرمپ په ۲۰۲۴ کال کې د جمهوریپال ګوند له خوا د ولسمشرۍ د نوماندۍ په لټه کې دی او نظر پوښتنې یې په ​​ښکاره مخکښ نوماند ښيي.

ټرامپ په څلورو جنایي قضیو کې د ۲۰۲۰ میلادي کال په ټاکنو کې په درغلۍ تورن دی.

ټرمپ تل پر هغه لګول شوي تورونه د جوبایدن له خوا د ۲۰۲۴ کال په ټاکنو کې د هغه د بریالیتوب د مخنیوي هڅې بللي.

د سعودي ولیعهد محمد بن سلمان د اسلامي همکارۍ سازمان په چوکاټ کې دې سرمشریزې ته وینا کې وویل، په غزه کې انساني ناورین ثابته کړه چې د ملګرو ملتونو امنیت شورا او نړیواله ټولنه د اسراییل له خوا د نړیوالو قوانینو د ښکاره سرغړونې په مخنیوي کې ناکام ده.

هغه زیاته کړه چې عربستان پر فلسطیني وروڼو د اسراییل وحشیانه بریدونه غندي.

د ایران، ترکیې، مصر او سوریې د ولسمشرانو، د پاکستان د لومړي وزیر او د قطر د امیر په ګډون د نړۍ په لسګونو مشرانو دې بېړنۍ سرمشریزه کې ګډون درلود.

دې سرمشریزه کې د فلسطین د کورواکه ادارې مشر محمود عباس وویل، چې فلسطینیان په توکم وژنې سره مخ دي او له امریکا یې وغوښتل چې د اسراییل تېری بند کړي.

د ایران ولسمشر د حماس هڅې وستایلې او له اسلامي هېوادونو یې وغوښتل چې پر اسراییل د تېلو او توکو بندیز ولګوي.

د ترکیې ولسمشر رجب طیب اردوغان هم د اسراییل او فلسطینیانو د جګړې د دایمي حل لپاره د نړیوال کانفرانس غوښتنه وکړه.

د قطر امیر چې د حماس د څو مشرانو کوربه دی، وویل چې له دې ډلې د یرغمل کسانو د خوشي کولو هڅه کوي او هیله یې وښوده چې ژر به بشرپال اوربند وشي.

حماس د اکتوبر پر ۷ پر اسراییل برید وکړ، تل ابیب د دې برید د مرګ ژوبلې سمون سره وايي چې ۱۲ سوه کسان یې وژل شوي دي.

اسراییل هم په ځواب کې پر غزه برید کړی او فلسطیني چارواکي وايي، په دې برید کې تر ۱۱ زرو ډېر کسان وژل شوي چې ۴۰ سلنه یې ماشومان دي.