د غزې شفا روغتون ته د اسراییلي پوځ ننوتو سره د فلسطین کورواکه ادارې د بهرنیو چارو وزارت په دغه روغتون کې د زرګونو ماشومانو د خوندیتوب لپاره د نړیوالې ټولنې د سملاسي مداخلې غوښتنه وکړه.
سپینې ماڼۍ ویلي، پر دې روغتون د برید او پکې د ډزو د تبادلې ملاتړ نه کوي.
د اسراییل پوځ د چارشنبې په ورځ شفا روغتون ته ننوتلو سره وویل، په دغه روغتون کې د حماس پرضد هدفي عملیات کوی.
د اسراییلي پوځ راډیو وايي، روغتون ته له ننوتو مخکې یې د حماس پنځه وسلوال وژلي دي.
د سپینې ماڼۍ د ملي امنیت ویاند ویلي امریکا نه غواړي چې په روغتون کې بې ګنا خلک او ناروغان د ډزو تبادله کې ووژل شي.
جان کربي زیاتوي، د حماس چارې د ولسي وګړو د خوندیتوب په اړه د اسراییل مسوولیت نه کموي.
تر دې مخکې اسراییل ویلي چې روغتون ته ننوتلو سره یې عملیات پیل کړي دی.
د اسراییل پوځ وايي، حماس د دې روغتون ځمکتل کې د قومندې یو مرکز لري.