د فلای دوبۍ هوايي شرکت له څه باندې دوه کلن ځنډ وروسته کابل ته لومړنۍ الوتنه وکړه

AP ۱۴۰۲ لړم ۲۴

فلای دوبۍ هوايي شرکت له دوه کاله او څلورو میاشتو ځنډ وروسته نن (چهارشنبه د لړم ۲۴مه) کابل ته خپلې الوتنې بیا پیل کړې.
له دې وروسته به فلای دوبۍ په اونۍ کې دوه الوتنې له کابله نورو هېوادونو او له نورو هېوادونو کابل ته ولري.

په متحده عربي اماراتو کې د افغانستان د سوداګرو شورا مشر حاجي عبيدالله صدرخېل له رسنیو سره د خبرو پر مهال وويل، چې دغه شرکت به خپلې الوتنې زياتې کړي او ډېر ژر به د "اير العربيه" په نوم يو بل عربي هوايي شرکت کابل ته خپلې الوتنې پيل کړي.
فلای دوبۍ د کم لګښت لرونکی عربي هوایي شرکت دی چې په بشپړ ډول د دوبۍ حکومت له لوري يې چارې کنټرولیږي.

نور خبرونه

رادیو