دغه ورځ په ۱۹۹۶ کال کې د ملګرو ملتونو لهخوا ځکه په دغه نوم ونومول شوه، چې خلک او هېوادونه یو له بل سره د ټلویزیوني خپرونو راکړې ورکړې ته وهڅوي، چې په دې توګه د سولې، ټولنیز او اقتصادي ودې او د ټولنو د کلتوري شتمنیو د پیاوړتیا لپاره له یو بل سره د پروګرامونو راکړه، ورکړه وکړي.
په افغانستان کې لومړنۍ ټلویزیوني خپرونې په ۱۳۵۷ کال کې پیل شوې دي.
د افغانستان د ازادو خبريالانو د ټولنې موندنې ښيي، چې دمګړۍ دغلته ٨٦ ټلويزيونونه فعالیت لري او ٥٤ ټلويزيونونه د اقتصادی ستونزو او وروستیو سیاسي بدلونونو له امله له فعالیته پاتې شوي دي.
هغه ټلویزیونونه چې نن سبا په افغانستان کې خپرونې لري، که له يوې خوا د اقتصادي ستونزو له امله د منځپانګې له کمښت سره مخامخ شوې، له بلې خوا هغه لګېدلي بندیزونه چې د طالبانو لهخوا پرې لګول شوي دغو رسنیو خپل کتونکي هم له لاسه ورکړي.
د دې تر څنګ په تېرو څه د پاسه دوو کالو کې ګڼ مسلکي کسان له افغانستانه وتو ته اړ کړل شوي، چې دغې چارې هم تر ډېره بریده د ټلویزیوني خپرونو په پیکه کېدو کې ونډه لرلې ده.
دغو احتجاج کوونکو له پرون راهیسې په انګور اډه کې پوځي چوڼیو ته تللې لارې یې بندې کړې او ګواښ يې کړی که يې غوښتنې و نه منل شي په ورته نورو ګامونو هم لاس پورې کوي.
له تېرو څلور ورځو راهیسې پاکستاني پوځ د انګور اډې لاره له پکتیکا سره د تګ راتګ پر مخ تړلې.
له څه باندې یوې میاشتې راهیسې د سوېلي پښتونخوا په چمن کې لسګونه زره ځايي خلکو د سپین بولدک- چمن په دروازه په پاسپورټ او ویزه د تګ راتګ د جبري کېدو په غبرګون کې پرلت وهلی او غوښتنه يې داده چې په دغه لاره دې د پخوا په څېر عادي تګ راتګ وشي.
تر هغه وړاندې به په دغه لارو تګ راتګ په افغان پيژندپاڼه او پاکستاني شناختي کارډ کېده.
د سوېلي وزیرستان د انګور اډې اوسېدونکو له پاکستاني يوځه غوښتي چې د دوی څوارلس غوښتنې به مني که نه د دوی په خبره که په راتلوونکي کې هر څه پېښ شول مسول به یې پاکستانی پوځ وي.
د انګور اډې يو ځايي مشر حاجي صحبت خان وايي: «موږ د پاکستان پوځ ته دا غوښتنې وړاندې کوو، که مني يې ښه ده، که نه بیا که هر څه پېښ شول مسولیت يې د دوی په غاړه.»
د انګور اډې اوسېدونکو په څوارلس غوښتنو کې په پاسپورت د تګ راتګ نه منل، د پوځ له خوا د افغانانو نه ځورول، د مالونو ازاد وړل راوړل، پر مالونو د مالیې کمښت، د دولتي ښوونځیو پرانیستل کیدل، په ځڼغوزیو د مالیې نه وضعه کیدل، د خمرانګ دروازې له منځه وړل، د حکومت له زندانونو د سیمې د ځوانانو خوشې کېدل، د لارې د امنیت ټینګول، د روغتیايي اسانتیاو او دې ته ورته نورې غوښتنې شاملې دي
خو پاکستاني حکومت په دې اړه خپل تازه دريځ نه دی روښانه کړی او یوازې په دې کلک ولاړ دی چې افغانستان ته په ټولو لارو به تګ راتګ په افغاني او پاکستاني پاسپورټ او وېزو کیږي.
د یادولو ده چې له پرون راهیسې د انګور اډې بازار په احتجاجي ډول تړل شوی.